芝加哥串燒酒場 (太和中心)

太和一帶出晒名多好嘢食，附近幾條街有好多唔同類型嘅特色食店😎今次約埋朋友收工一齊去芝加哥串燒酒場，一間屹立區內多年嘅燒烤x酒吧👍收完工咁放鬆，一坐低即刻要整杯生啤🍺今次呢一杯係麒麟Frozen Beer，比起一般生啤再多咗一層泡沫🍻友人就叫咗杯蜂蜜鮮檸梳打🍹食串燒梗係唔可以錯過燒雞翼，叫咗一串蜜糖、一串鹽燒，大人細路都鍾意🥸今次仲叫咗雞心、雞肝等等比較稀有嘅部位，一樣處理得好出色😋師傅對肉類掌控非常有功架，雞脾肉肉質嫩滑香口🤤豬頸肉、豬腩肉嘅肉汁豐富之餘，亦有香濃肉味😬韭菜、娃娃菜，燒完真係好鬼香口😄脆炸雞軟骨，好邪惡嘅送酒嘢😍極品即燒乳豬，平時去飲喜宴就食得多🤭串燒店好少機會食得到，又幾有意外驚喜喎😆🤣好多款啤酒，一晚真係試唔晒，下次收工再嚟飲過👻各種生啤~除咗上述比較大路嘅生啤之外，仲有其他品牌可供選擇！