金公館 (彩明商場) (已搬遷) 新店位置

我們已很久沒有飲茶，今天便和家人飲個午茶，本身食京菜的酒樓，午市也人多熱鬧，不過等了一陣便有位入座，望著個個一盅兩件的時候，飲茶的氣氛又再湧現。茶樓第一件想食嘅點心就係蝦餃皇，內裏的蝦原隻爽嫩，值得稱得上蝦餃皇。酸菜湯牛肉薯粉，通常夜市會叫酸菜魚，而午市有這道牛肉薯粉，當中是酸菜湯的惹味至今想起都會流口水，薯粉有特別嘅口感煙煙靭靭深入了酸菜湯的香味，食多一兩碗。北方葱油餅，有別於廣東蔥油餅的扁身形狀，口感同樣香口，反而厚身的沒那麼脆口。椒鹽豆腐粒，口痕想食的一道小食，保持水準。擂沙湯圓，甜度適中，不會太甜，令食太多咸點的清泉。飲茶目的除了食好嘢，當然就係和家人聚聚，洗淨一下疫情的鬱悶心情，有時啲嘢既來之則安之，飲啖茶食個包，好快就會唔好事情終會過去。