美心皇宮 (德福廣場1期)

營業中

休息中

美心皇宮的吸引點之一一定係點心車飲茶，坐係度望下望下，見點心車行近就自然地瞄著點心車前的點心牌看看有甚麼心頭好點心姐姐又左望右望，望望那位客人要點心有時又會主動問客人要唔要車上的點心睇啱便揮動一下點心卡，叫出想食的點心點心姐姐聽到後便停車，送上點心，並在卡上吸印仔，成件事有互動，充滿儀式感，很有趣我而家飲茶必食蝦餃。少時家貧，到酒樓只能享用小點點心，但眼見鄰枱食蝦餃，總是很想食，呢種渴求漸漸變了我心內無底的心靈需求。第一次食蝦餃，已是成年時，我到酒樓自費一籠蝦餃，不想與人分享，一粒接一粒的放入口，很滿足。之後，我逢飲茶，都必叫蝦餃出場。美心的蝦餃，皮厚薄適中，夾起時不易穿爛，蝦肉結實爽彈，一口一粒，人生一樂事。提一提，美心蝦餃不是隨便跟車出場的，佢都算大牌，通常要客人寫點心紙邀請佢出場先會遇見。