影片
更多
2024-11-08
655 瀏覽
《驚安燒肉商店 - 尖沙咀》只要想食，邊一日都係食燒肉嘅日子😌今次去咗尖沙咀另外一間人氣嘅燒肉店試吓佢哋嘅九宮格，之前喺網上面見到好多人介紹嘅時候已經心郁郁，重點係點咗呢個九宮格就可以幾乎試勻晒佢哋嘅和牛肉，一來唔驚淨係食死一款會悶，二來就係可以對比到唔同部位嘅油脂同埋肉感💪🏻🤓所以今日捉咗我個同事收咗工之後就食個Early dinner，兩個人叫咗一個九宮格同埋一份壽喜燒和牛就已經夠晒食☺️揸咗車唔飲得酒，所以我哋兩個都叫咗冷泡白桃烏龍茶順便解下膩💁🏻♀️極·九宮格 $588呢度嘅九宮格一共有三款，最平嘅話三百幾蚊就已經食得到，我哋就揀咗中位數有齊日本和牛同埋牛頸脊牛舌嗰一款，店員會比一張九宮格嘅介紹表等我哋知道自己食緊邊一款牛肉，肉味最濃郁嘅一定係牛頸脊同埋和牛赤身，兩款嘅肉質都幾鮮嫩，當然食落油花冇咁多😚而鍾意食油花香味嘅就一定喜歡和牛三角腩、和牛友三角同埋和牛三角腩磚👍🏻雖然每人每樣都係得一片，但係因為佢油脂比較豐富嘅關係，各款食一片都已經好足夠啦☺️最肥美嘅一定係三角腩磚，淨係燒嘅時候都睇到火光熊熊，每邊燒10秒左右就已經好足夠啦🤗而當日嘅時令和牛係一口和牛，入口有即溶嘅感覺，個
只要想食，邊一日都係食燒肉嘅日子😌今次去咗尖沙咀另外一間人氣嘅燒肉店試吓佢哋嘅九宮格，之前喺網上面見到好多人介紹嘅時候已經心郁郁，重點係點咗呢個九宮格就可以幾乎試勻晒佢哋嘅和牛肉，一來唔驚淨係食死一款會悶，二來就係可以對比到唔同部位嘅油脂同埋肉感💪🏻🤓所以今日捉咗我個同事收咗工之後就食個Early dinner，兩個人叫咗一個九宮格同埋一份壽喜燒和牛就已經夠晒食☺️揸咗車唔飲得酒，所以我哋兩個都叫咗冷泡白桃烏龍茶順便解下膩
💁🏻♀️極·九宮格 $588
呢度嘅九宮格一共有三款，最平嘅話三百幾蚊就已經食得到，我哋就揀咗中位數有齊日本和牛同埋牛頸脊牛舌嗰一款，店員會比一張九宮格嘅介紹表等我哋知道自己食緊邊一款牛肉，肉味最濃郁嘅一定係牛頸脊同埋和牛赤身，兩款嘅肉質都幾鮮嫩，當然食落油花冇咁多😚而鍾意食油花香味嘅就一定喜歡和牛三角腩、和牛友三角同埋和牛三角腩磚👍🏻雖然每人每樣都係得一片，但係因為佢油脂比較豐富嘅關係，各款食一片都已經好足夠啦☺️
最肥美嘅一定係三角腩磚，淨係燒嘅時候都睇到火光熊熊，每邊燒10秒左右就已經好足夠啦🤗而當日嘅時令和牛係一口和牛，入口有即溶嘅感覺，個人對呢一款牛肉印象都幾深刻，除此之外，和牛博多蔥卷同埋牛舌都係不得不提嘅菜式，個蔥卷唔使燒到太熟，牛肉嘅肉汁會滲透喺啲蔥入面，而蔥食落辣辣地仲有啲草青味，不過咁樣先食得到博多蔥嗰陣香氣👍🏻推介的
💁🏻♀️和牛壽喜燒 $98
呢一客和牛壽喜燒會由店員幫你用火槍燒至五成熟，點有蛋汁嘅壽喜燒醬汁，包裹住一件壽司飯😳美味嘅和牛油脂配上甜甜醬汁嘅味道令人好開胃，美中不足係舊飯如果可以大少少又或者直頭比碗白飯我哋就更正啦😤食壽喜燒一定要配飯㗎嘛
💁🏻♀️冷泡白桃烏龍茶 $18
雖然我哋只係叫咗白桃烏龍茶，但係飲落一啲都唔馬虎，解膩嘅烏龍茶滲透住陣陣嘅白桃香氣，食咗咁多和牛肉的確係有舒緩飽滯感
張貼
