影片
更多
2021-01-27
150 瀏覽
放假出外食午餐，順便用埋Coupon，由於週日好多餐廳都full晒，無得walk in。行行下見到有間新餐廳，而且主打川菜。有我最鐘意食既酸菜魚，當然要光顧下啦。不過門口都好多人排隊等入座，我地都等左差唔多半小時先有位，排隊時候先發現原來呢間餐廳係名廚張錦祥開的店。待應安排了窗口位比我地，可以望住個海食川菜。我地光顧了2個二人餐($398)，好抵食的套餐。開頭以為前菜、主菜及特色菜餚係要各選一款，落單時才知道只需要選主菜，其他的菜都已包含了。前菜已有︰口水雞、水晶酸辣粉。主菜︰選了酸菜魚/青麻椒牛肉湯。特色菜餚︰噴火小籠包、乾煸四季豆、高麗菜豬肉水餃。甜品︰是日甜品(不過當日待應無比到甜品我地，蝕左><)。但整體呢間價錢好抵食，因為份量都頗多，兩個人食到好飽。前菜︰口水雞︰無骨，雞肉嫩滑，雖然多辣油，但食落唔太辣。水晶酸辣粉︰呢個係所有菜中最辣的一款，花椒加辣油，唔食得辣就唔好試啦。主菜︰招牌酸菜魚︰魚肉嫩滑，份量都頗多。味道唔算太出，酸味重但唔辣，內有芽菜、蓮耦及酸菜。青麻椒牛肉湯︰牛肉嫩滑，但味道較奇怪，青椒味勁重，我就覺得唔多好味。內有芽菜、蓮耦及勁多青椒。特色菜
前菜︰
口水雞︰無骨，雞肉嫩滑，雖然多辣油，但食落唔太辣。
水晶酸辣粉︰呢個係所有菜中最辣的一款，花椒加辣油，唔食得辣就唔好試啦。
主菜︰
招牌酸菜魚︰魚肉嫩滑，份量都頗多。味道唔算太出，酸味重但唔辣，內有芽菜、蓮耦及酸菜。
青麻椒牛肉湯︰牛肉嫩滑，但味道較奇怪，青椒味勁重，我就覺得唔多好味。內有芽菜、蓮耦及勁多青椒。
特色菜餚︰
噴火小籠包︰完全唔覺得噴火，因為食唔到半點辣味，同普通小籠包味道差不多，但勝在湯汁多，夠juicy。
乾煸四季豆︰我好鐘意呢碟四季豆，雖然多乾辣椒，但唔辣的，而且味道令人不停放入口食。
高麗菜豬肉水餃︰普普通通的豬肉水餃，只是有些蒜蓉泥在外，不過我唔太鐘意食蒜味。
張貼
