麻辣派對 (瑞生酒店) (已結業)

自從搬屋之後就好耐都冇食麻辣派對啦，今日難得有朋友請緊係同佢食個雞煲慢慢傾下。先點了個麻辣雞煲，外加土豆片再加鮮蝦，作為第一次試，先點了個BB辣試試。辣道剛剛好，加上香辣的雞件，一邊聊天一邊吃雞，人生樂事。另外再點了小菜加個炸雞翼尖，雞翼香脆且多汁，好可口。餐廳有免費檸檬水提供可以解辣，可見其細心之處。整體而言，雞煲份量足，雞件啖啖肉之餘夠入味，洋蔥又甜又爽脆，海蝦鮮味十足，成個雞煲連燭臺上，一路食一路熱住，冬天食一流。食完完畢，餐廳還免費送份紅豆沙糖水，真的很暖心。最後要讚讚餐廳環境很舒服，下班後搵幾多朋友談天說地，或同女朋友浪漫下，食住雞煲傾下計，真係好值得推薦。