侍元

營業中

休息中

晚飯時間，都有位剩，唔駛等。叫完嘢食，坐低等呼叫器響鬧取餐。等唔係好耐就有得食。本來散叫嘅，但喺收銀介紹餐抵啲。有飯有湯同炸物。餐飲我唔要檸檬茶，因為覺得唔係好夾日式食物，所以改咗要豚肉味噌湯。湯唔太鹹，有好多菜乾同新鮮菜，足料，味到唔錯。豚肉咖哩飯🍛，啲咖哩係食開日本嘅咖哩味，好鍾意食。啲肉丁唔算好細粒，唔靱，都ok。啲飯就腍得濟，有啲一擗擗咁，不過同啲咖哩撈埋一齊食又好夾，唔覺得腍。本來叫芝士蝦餅，但係冇，所以叫咗南瓜餅。南瓜餅炸得好脆，熱嘞嘞嘅。入面嘅餡係橙色嘅，但係南瓜味只係有少少，唔夠特出，反而有薯蓉味，仲甜甜哋，應該加咗糖，不過甜度啱啱好，加上我都鍾意薯蓉，所以都鍾意食呢個南瓜餅。