一杯屋 (已結業)

好耐冇食日本串燒，同朋友係銅鑼灣行街行到肚餓，見到澳門逸園中心8樓有間日本串燒，於是同朋友齊齊去試下。店內裝修頗有日本風情，全部都係木係設計，都加入咗好多日本元素，一入嚟就好似去左日本咁。🙈燒牛舌一上台，見到件牛舌烤到吱吱聲，d油脂噴緊出嚟，口感細嫩又不失柔韌，食完好想再嚟多份😎😎😎。燒雞翼&燒五花腩燒物真係好邪惡，淨係見到個樣已經口水直流🤤🤤。雞翼燒出黎唔老，同埋外型已經唔似雞翼，食落口感食到舔舔脷。五花腩同燒雞翼唔會太肥，肥瘦適中，表面微微酥脆，嫩滑多汁，食落亦都唔會覺得鹹。鹽燒喜之次加酸汁燒好後的魚皮香脆可口，鹹鹹香香，魚肉豐腴嫩滑。雞橫隔膜肉➕山葵麵豉醬外皮酥脆得剛剛好，油脂均勻的分配在雞肉上，擄獲不少人的味蕾。🤤🤤🤤金菇肥牛卷特選肥牛包住厚厚的金針菇，一啖入口，d汁流晒出黎！真係好邪惡呀！！！🤪餐廳環境正燒物質素一流，第一次食體驗非常好，下次會再約friend過嚟🥳。