我要烤魚

營業中

休息中

今次喺銅鑼灣鬧市中，試咗一間專賣烤魚🐟嘅樓上餐廳。我選咗BB辣度嘅重慶麻辣烤魚湯底，味道香辣適中，唔會太過火，啱晒我呢啲唔太耐辣嘅食客，而條魚就好大條好鮮嫩🩷下次再試佢唔同嘅烤魚~酸辣金湯烤魚、番茄烤魚先得💖🥬配菜方面，美國牛小排肉汁豐富，滿足食慾。🥬皇帝菜同響鈴都幾新鮮，特別響鈴，脆口又有淡淡甜味。豆腐吸咗湯底嘅味道，簡直好配合。🦪廣島蠔就肉質鮮美，加上醬汁，口感一流🩵🍢串燒方面，厚牛舌串味道濃郁，口感滑潤，西班牙叉燒串亦都多汁，一口接一口。下次要試下沙塵牛肉、西班牙叉燒、粟米墨魚餅、牛胸爽、豬粉腸，呢啲都勁吸引。最後，🍮甜品楊枝甘露冰清爽可口，完美解膩💛飲品方面，日本生啤買一送一😱，清爽解渴，而冷泡白桃烏龍茶則帶有淡淡果香，十分提神解辣。整體來講，呢間餐廳真係值得推介嘅💙