牛極 (庇利金街) (已結業)

今日lunch朋友講起石燒牛, 即刻諗起牛極, 就過去食個快靚正又唔頹既午餐!之前食過佢既牛肩, 今次就揀左牛柳試下, 門口有自助點單, 好簡單篤兩篤就得, 雖然係自助式但d店員都好好招呼, 帶左我地位之後都會講解出面有咩拎, 首先拎圍裙防彈油先, 沙律應該岩岩fill好呀勁大盆, 另外仲有幾款醬汁, 湯同白飯。今日個湯有驚喜喎因為上次食我記得係麵豉湯, 今次既係牛肉蕃茄湯, 飲落係好味道真係煲出黎唔係溝粉溝味精既至於白飯, 我次次都會落好多紫菜粉撈飯食, 正~ 好快牛柳就到左, 圓碌碌咁, 切開一成熟, 食一舊切一舊, 因為好厚身所以唔會好快overcook, 想再均勻d可以間中反一反佢, 牛柳口感好好一d都唔韌, 牛味頗濃, 堅正!另外lunch time仲有個午市menu, 唔一定要揀石燒牛扒, 而且價錢仲抵五十幾蚊就有, 下次會試下