影片
更多
2023-01-05
44 瀏覽
呢間法日料理餐廳開業半年已極具人氣，期待以久終於有機會品嚐到！餐廳僅八個位置，開放式廚房可以好似omakase咁欣賞到菜式嘅烹調過程，而食物嘅水準無疑十分之高，幾乎每一道菜都有亮點無令小編失望，咁嘅質素絕對物超所值😋• Dinner Menu $1480/位- Tuna前菜有兩款精緻小巧嘅Finger food。脆皮中心注滿幼滑嘅吞拿魚蓉，兩端沾上海苔粉，on top放上柚子胡椒以及瑞士蔥，味道比想像中濃郁惹味😚- Uni鮮甜北海道海膽放置於脆口Brioche多士，喺口感上形成鮮明嘅對比，叫海膽迷心動💓- Hokkigai北寄貝爽口清甜，只簡單以魚湯泡沫及蔥油調味，墊底嘅Sugar pea亦自帶甜味🥰- Shirako將昆布同紫菜包裏住白子，以油炸天婦羅嘅方式呈現，醬汁使用大量蔬菜加上七味粉煮成，成品撤上烏魚子，甜中帶辛，同過往食過嘅白子完全唔一樣，夠曬新鮮感🙆🏻♀️- Pasta餐廳Signature之一嘅魚子醬天使麵，只能講真係非常之香，有被衝擊到！呢道麵條其實係屬於冷盤，拌入咗白松露油、昆布提味，一粒鹽都無落，靠嘅完完全全係食材嘅味道！入口香氣四溢，整個口腔充滿松露香，而且因為係
• Dinner Menu $1480/位
- Tuna
前菜有兩款精緻小巧嘅Finger food。脆皮中心注滿幼滑嘅吞拿魚蓉，兩端沾上海苔粉，on top放上柚子胡椒以及瑞士蔥，味道比想像中濃郁惹味😚
- Uni
鮮甜北海道海膽放置於脆口Brioche多士，喺口感上形成鮮明嘅對比，叫海膽迷心動💓
- Hokkigai
北寄貝爽口清甜，只簡單以魚湯泡沫及蔥油調味，墊底嘅Sugar pea亦自帶甜味🥰
- Shirako
將昆布同紫菜包裏住白子，以油炸天婦羅嘅方式呈現，醬汁使用大量蔬菜加上七味粉煮成，成品撤上烏魚子，甜中帶辛，同過往食過嘅白子完全唔一樣，夠曬新鮮感🙆🏻♀️
- Pasta
餐廳Signature之一嘅魚子醬天使麵，只能講真係非常之香，有被衝擊到！呢道麵條其實係屬於冷盤，拌入咗白松露油、昆布提味，一粒鹽都無落，靠嘅完完全全係食材嘅味道！入口香氣四溢，整個口腔充滿松露香，而且因為係冷盤嘅關係所以份外清爽，一啖接一啖好想食落去🤤
- Taktaki Beef Tartare
M6+和牛粒粒事前撈勻咗燒汁，甜甜嘅味道✨
- Amadai
新菜單上嘅蜜柑鯛因為當日貨源關係換上先前嘅甘鯛立鱗燒。魚肉肉質好嫩，配搭微酸嘅奶油醬有助中和油膩感😌
- Chicken +$340
食到中段聞到香味已經滿心期待呢隻烤雞，用上本地三黃雞事先風乾一日令外皮更易做到金黃香脆，肉質鮮嫩多汁令人回味無窮！伴碟米飯以北海道七星米及雞湯煮成，再加上鹹鮮三文魚籽點綴。食時淋上自家製法國黃酒汁，帶溫和醇厚嘅酒味進一步層次感🧡
- Chestnut Mille Feuille With Mochi
甜品算係當日比較遜色嘅一環，酥皮嘅牛油香、栗子味道皆欠奉，可能新推出未發揮得好好吧。
- Season Fruit
張貼
