普慶餐廳

營業中

休息中

食物選擇少，味道差！去之前我曾經問過餐廳周末會比閒日多咗d咩菜式，結果只係見到佢講既部份，而且好似連閒日話有嘅菜式都唔見！冷盤海鮮質素麻麻，亦唔見龍蝦鉗同翡翠螺，生蠔亦比較細隻，唔重蠔味，質地尚算creamy，即蒸龍蝦每半小時出一輪，係可以拎到嘅，如果你唔太遲排隊的話，有職員負責數人數，大概話你知今水你有無份，龍蝦感覺係新鮮嘅，有膏，可惜好似蒸過龍，好似橡筋咁！片皮鴨同清酒煮飽魚只會出一次，好多人排隊，我見有客人排排下都無心機排，走咗！食物配給制，生蠔每人每次得兩隻，飲品每人每次一杯，唔適合一家大細囉，幫屋企人拎埋要走幾轉！熱葷選擇比較少，味道亦一般，條紅斑好難食，感覺唔係新鮮嘢，粉絲蟶子好細隻，亦食唔出蟶子味！甜品質素還好，選擇都算多，如果早點拿的話，但有一款蛋糕係剷唔起嘅，蓉蓉咁，梳乎里有點overdone!整體感覺好差，唔會再有下次！利申：可能買二送二，三百幾元可能會覺得ok既，但我兩個食咗千幾元就覺得好唔抵，將貨就價係常態，下次會小心選擇，今次太伏！