影片
更多
2021-10-19
602 瀏覽
屯門區要搵間有d 情調既餐廳好難，好快就諗起黃金海岸一帶，加上朋友試過置樂分店，推薦我去試黃金海岸店，咁就早一晚打去book 位。當日準時6:00 到達，店面唔大，分室內同戶外兩part。再問多次店員室內有冇位，都係安排坐返戶外，本身好怕落雨，好彩當日天氣好而且最近入秋涼涼地有風，就嘗試下戶外喇。餐牌選擇唔算多，出名晚煲仔飯有三四款揀，串燒有十款左右，睇埋dinner set $6XX 冇咩特別。所以都係散嗌試一d 自己想食既菜色。龍蝦沙律$128上面果pat蝦肉口感札實，味道好似d 預製罐頭肉，食得出咸味，好似橙色香腸零食既味道。沙律醬唔係自家調配醬汁，用一般沙律醬，整體麻麻地小食炸雞軟骨，$58 正常水平冇咩特別 串燒方面，左邊係牛舌芯 $48，右邊係店員介紹既鹽燒厚切上等豚肉$48。如果燒豚肉好食，係會食到濃郁豬味、表面「應該係」少少烤焦（燶邊）。可惜..... 兩串惹味串燒稱為「鹽燒」都係冇咩調，而且豚肉串竟然有骨？😅😅😅ummm.. 再度失望.... 第四道菜，亦係店員介紹，餐牌上冇既。辣酒蕃茄煮花甲，$178。雖然係用鐵鍋上，但食唔到熱辣辣既溫度。花甲每隻都有肉，鮮甜，都係
當日準時6:00 到達，店面唔大，分室內同戶外兩part。再問多次店員室內有冇位，都係安排坐返戶外，本身好怕落雨，好彩當日天氣好而且最近入秋涼涼地有風，就嘗試下戶外喇。
餐牌選擇唔算多，出名晚煲仔飯有三四款揀，串燒有十款左右，睇埋dinner set $6XX 冇咩特別。所以都係散嗌試一d 自己想食既菜色。
龍蝦沙律$128
上面果pat蝦肉口感札實，味道好似d 預製罐頭肉，食得出咸味，好似橙色香腸零食既味道。沙律醬唔係自家調配醬汁，用一般沙律醬，整體麻麻地
小食炸雞軟骨，$58 正常水平冇咩特別
串燒方面，左邊係牛舌芯 $48，右邊係店員介紹既鹽燒厚切上等豚肉$48。
如果燒豚肉好食，係會食到濃郁豬味、表面「應該係」少少烤焦（燶邊）。可惜..... 兩串惹味串燒稱為「鹽燒」都係冇咩調，而且豚肉串竟然有骨？😅😅😅ummm.. 再度失望....
第四道菜，亦係店員介紹，餐牌上冇既。辣酒蕃茄煮花甲，$178。雖然係用鐵鍋上，但食唔到熱辣辣既溫度。花甲每隻都有肉，鮮甜，都係調味較淡。我嘗試連汁一齊食，味道道濃返dd，超輕微辣。
而家睇返張單，呢款叫「大蜆」，我既認知裏面花甲同大蜆係兩個品種... 都幾肯定店員表示係花甲，仲同另一台食客介紹係花甲唔同大蜆... 🥲🥲🥲
第五道，我最期待既白鱔煲仔飯，賣相幾靚，er... 飯唔香，係有飯焦但整體好乾。正路燒白鱔，魚件係有魚油、香脆、熱辣辣。但呢度既魚皮係硬，唔可以叫脆，好似梳風果種「又硬又脆」。所以懷疑係較早前燒好，放左一排，到晚市就翻熱上菜。
白鱔冇味、冇醬汁、唔夠熱、自然唔香、口感好有「𡁻勁」因為唔脆卜卜。
$218 最貴係佢，仲係招牌菜，但繼續失望，白鱔冇醬汁加埋飯都乾。
飲品嗌左兩杯，其中柚子酒$48 冇酒成份而家睇返張單叫做Yuzu Lime Soda??? 難怪冇酒味，一係餐牌寫錯、一係店員落錯單。
Sunrise $52 男朋友表示幾好飲
店員態度同服務都幾好，但總結，失望。到底係黃金海岸分店問題，還是本身食客吹捧得太誇張呢？（連朋友都推介架喎）如果呢個質素，lunch $120 左右我會再試吓既... 但成餐連加一 $856 喎太接受到。
張貼
