Sky726

最近去左間高層平民價餐廳，位於旺角彌敦道726號25樓全層，餐廳與酒吧合二為一，我地坐左去近窗邊既位置，配合落地玻璃，居高臨下望住旺角彌敦道既夜境，感覺特別舒服，仲好浪漫💕我地先叫左個蟹肉南瓜湯配餐包 ($78)，南瓜湯十分香甜，配上極多同埋好有鮮味既蟹肉，非常好飲！黑松露野菌意大利飯（$198），碟飯一黎到已經聞到好重黑松露味！配上好多野菌，絕對落足料！意大利飯咬落口感外軟內微硬，食起上黎亦唔會太溜！我個人十分推介呢個飯！意大利手卷意粉伴野菌，辣肉腸及巴馬臣芝士（$188），手卷意粉絕對係誠意之作！手卷意粉偏硬身唔似普通意粉！咬落口感意外地好！配料(野菌，辣肉腸，芝士)亦足，完全無違和感！中意食蠔嘅朋友都唔好錯過呢個set 啦！餐牌可參考以下；總結：環境:9.5/10味道:8.5/10服務:9/10 如果大家想慶祝生日或者紀念日既話，呢一間絕對係幾好既選擇，性價比幾高，環境舒適，服務良好！