無老鍋

營業中

休息中

台灣人氣火鍋店「無老鍋」進駐香港，沒有得出走的日子，就一於約幾位好友去試吓。到達食店真係人山人海，就算一早已訂好枱，也要在接待處等了一段時間，都真係幾旺場。因時間只有短短90分鐘，我哋立即選好食材及湯底，之後便到自助區取醬料；旁邊還放有白飯可以任裝。我們選了唔辣的冰淇淋豆腐白湯底(配搭人蔘)每位78元，包任食麵包豆腐同薄切鴨血，抵唔抵就真係見仁見智了；湯底據講用了中藥、雞骨、豬大骨同香料來熬製，所以藥材味道濃烈，但其它味道就欠奉；旁邊放有四支暖暖的白湯，可讓你自己隨意添加。 冰淇淋另上，侍應告知要煮五至六分鐘，中間冰冰凍凍，口感軟滑。因我們大部份人也不吃牛肉，所以只叫了日本黑豚腩肉、梅花豬肉拼去骨雞髀肉、招牌手工三色滑(瑤柱、蟹滑及蝦滑)、鮮甜蔬菜籃及綜合餃(蛋餃、魚皮餃及燕餃)，食物水準平平，最出色竟然係鮮甜蔬菜籃；可能因時間有限，所以要趕住快啲食而減低了享受的過程，因此食而不知其味。因唔夠時間再加餸，只好添加白飯；食火鍋竟然要去到加白飯才夠飽，都咪話唔驚喜。未夠鐘侍應便急不及待上果汁沙冰，據說可以解膩，其實是催我們快啲埋單，都真係幾趕下喎；得90分鐘又要點菜、上菜、煮熟及吃，其實真