靠得住粥麵小館 (形點 II)

營業中

休息中

元朗yoho mall有好多餐廳選擇，今日天氣開始轉涼，同屋企人去靠得住食馳名熱辣辣的粥麵。靠得住係米芝蓮推介嘅餐廳，非常有興趣去試試。.🍚 咸菜胡椒豬肚湯湯頭鮮甜夠胡椒辣，既暖身，又開胃。材料非常充足，真材實料，咸菜的咸香亦令整個湯昇華，上乘之作。.🍚 心肝寶貝粥配料有黃沙豬膶，和帶子，粥上面有一層豬潤嘅黃油，十分香口。豬潤煮得剛剛熟，鮮甜嫩滑。帶子亦夠新鮮，味道鮮甜可口，配上綿綿的魚湯粥，十分合拍。.🍚 馳名東江鹽焗雞鹽焗雞味香濃郁，皮爽肉滑，肉質嫩滑多汁，配上沙姜及油鹽一齊食，風味極佳。雞肉味道鹹中帶鮮，一口白飯，一口雞，令人回味無窮。.🍚 白灼薑蔥珍珠蠔好一道薑蔥珍珠蠔，簡單的烹調，更能帶出珍珠蠔該有的鮮味，薑蔥有效去腥，珍珠蠔夠肥美。