荳子 (馬鞍山廣場) (已結業)

去超級市場掃完貨，揀左呢間人氣cafe食個下午茶休息下。玫瑰latte有陣陣花香，奶味比較重唔會太甜，面層嘅奶泡入口幼滑。ice cappuccino造型圓碌碌咁，朋友話好香濃。叫左兩款小食share，蜜糖單骨雞翼炸得好香口好脆，但加番蜜糖成件事健康左，好似即刻冇咁熱氣，單骨造型都好方便女仔食。黑松露薯條啱啱炸起熱辣辣，薯條有番咁上下粗度，啱啱出爐一定好食，再點埋黑松露蛋王醬就更香口，黑松露味夠晒濃，正！