影片
更多
2021-11-22
545 瀏覽
為咗慶祝屋企人生日，見到半島酒店有個生日優惠promotion，4位或以上幫襯晚市套餐即有1位免費同埋獲贈生日蛋糕1個。🍽食物：Birthday Rewards Set Menu $488/set我哋嗰晚總共嗌左四個course，每道菜都有唔同選擇。首先上左幾款麵包可以refill，前菜選擇有：👍🏻大蝦Cocktail沙律大蝦配千島醬酸酸甜甜好開胃，加埋茴香、車厘茄、蘿蔔整體感覺清新。👍🏻亞洲豬頸肉沙律沙律配海鮮醬，豬頸肉燒得焦香，再加埋d脆脆增加口感，微微酸辣味令人好快食晒，唯一缺點係擺盤唔係好靚😂👎🏻淡咖喱椰菜花湯杏仁片同椰菜花有咬口，Menu寫有焦香牛油，其實唔覺有牛油味，咖喱味都唔突出，仲愈飲愈鹹，比較襯用麵包點嚟食主菜：👉🏻香煎鱸魚柳燴番茄甜椒油封馬鈴薯羽衣甘藍脆片魚柳面煎到好香，但啲肉唔鞋仲有少少滑，不過調味偏淡同食唔到鮮味，反而蕃茄嘅酸甜味搶曬focus👉🏻烤羊架及香草免治羊肉餅芹菜根蓉甘筍羊肉汁羊肉唔騷不過有啲韌，至於羊肉餅冇乜特別，都係冇羊味😂👍🏻炭燒澳洲牛柳 +$128係三個主菜入面最好味個個，外面煎到焦香但入面係粉粉哋，唔會好韌而且牛味好濃，但係得半個手掌咁大塊😂
🍽食物：
Birthday Rewards Set Menu $488/set
我哋嗰晚總共嗌左四個course，每道菜都有唔同選擇。
首先上左幾款麵包可以refill，前菜選擇有：
👍🏻大蝦Cocktail沙律
大蝦配千島醬酸酸甜甜好開胃，加埋茴香、車厘茄、蘿蔔整體感覺清新。
👍🏻亞洲豬頸肉沙律
沙律配海鮮醬，豬頸肉燒得焦香，再加埋d脆脆增加口感，微微酸辣味令人好快食晒，唯一缺點係擺盤唔係好靚😂
👎🏻淡咖喱椰菜花湯
杏仁片同椰菜花有咬口，Menu寫有焦香牛油，其實唔覺有牛油味，咖喱味都唔突出，仲愈飲愈鹹，比較襯用麵包點嚟食
主菜：
👉🏻香煎鱸魚柳燴番茄甜椒油封馬鈴薯羽衣甘藍脆片
魚柳面煎到好香，但啲肉唔鞋仲有少少滑，不過調味偏淡同食唔到鮮味，反而蕃茄嘅酸甜味搶曬focus
👉🏻烤羊架及香草免治羊肉餅芹菜根蓉甘筍羊肉汁
羊肉唔騷不過有啲韌，至於羊肉餅冇乜特別，都係冇羊味😂
👍🏻炭燒澳洲牛柳 +$128
係三個主菜入面最好味個個，外面煎到焦香但入面係粉粉哋，唔會好韌而且牛味好濃，但係得半個手掌咁大塊😂
甜品：
👍🏻紅莓撻雜莓汁配杏仁脆脆
紅莓酸酸甜甜好清新，岩先食左啲咁濃味嘅嘢好岩解膩，食完都幾飽下
👉🏻榛子忌廉泡芙果仁脆脆榛子雪糕
雪藏泡芙個皮已經唔脆，面個舊係榛子cream入面都係榛子cream，榛子味濃但都幾甜下，再加埋雪糕都係榛子味😂，呢個食完會好滯
送嘅係榛子mousse蛋糕(又係榛子😂)，上面塊生日牌仲寫左屋企人個名，員工幫我哋影完相之後仲幫我哋分埋
⛩環境：
👍🏻半島個大堂出左名靚，當晚入座人數唔多，同其他食客隔得好遠坐得疏落好舒服
👉🏻全晚有live band表演，一開始我哋坐嘅位比較接近live Band，我哋想靜靜哋食飯，然後員工幫我哋調咗去離live Band最遠嘅位😂
💁🏼♀️服務：
👍🏻五星級酒店嘅服務一流，員工全程都好有禮貌同有耐心對答，仲幫我哋影左啲靚相😂
📝總評：7/10
👉🏻全晚食左好多榛子😂每道菜嘅份量都比較少，不過食晒成個course對我嚟講份量啱啱好，可能男士就唔足夠啦，但係如果有值得慶祝嘅場合，呢度係個好選擇👍🏻
⏱冇限時
張貼
