影片
更多
2025-04-18
1 瀏覽
今日放假，約咗舊同事食飯，佢帶我去旺角一間好有特色嘅越南餐廳Nam Viet Nam Cafe首先呢度樓底好高，有大玻璃望出街，傾偈食飯好啱，至於食品，竟然不停有驚喜呀！先食小食開胃一下，火龍芒芒蝦仁配脆蝦片，冇錯，小食名已經講晒裏面有嘅材料，首先我未試過火龍果芒果一齊食，甜甜哋唔錯喎，相信揀選生果都落過功夫，加埋蝦仁同脆蝦片，幾樣唔同咬口嘅嘢，一齊放入口，好精神好開胃跟住點咗惹火上身咸檸豬頸肉，想睇吓點樣惹火法，原來上菜嘅時候，有菠蘿墊底嘅豬頸肉，正當奇怪豬頸肉上面有塊黑色嘅片唔知係乜嘢，然後店員行埋嚟用火槍點一點，塊黑色片就即刻着咗火，好好玩喎，過火輕輕熱灼一下啲豬頸肉，點埋個鹹檸汁入口，酸酸鹹鹹嘅感覺好爽喎，呢度選食材真係有一手，菠蘿非常之鮮甜，將菠蘿同豬頸肉一齊放入口，口感最佳又有第二樣嘢玩喎，叫咗NVN咖啡骨，一個杯有好多白色嘅泡沫，跟住店員將熱咖啡倒入去泡沫就用晒響裏面嘅豬軟骨，常常覺得咖啡入饌，係一個難度高嘅動作，除咗咖啡要選得靚之外，仲要食材嘅味道配合得到先至得，今次試呢個咖啡甘香可口，提升咗豬軟骨嘅味道有多一個層次，同埋豬軟骨本身都處理得好好，唔會韌口，正食埋個飯就啱
今日放假，約咗舊同事食飯，佢帶我去旺角一間好有特色嘅越南餐廳Nam Viet Nam Cafe
首先呢度樓底好高，有大玻璃望出街，傾偈食飯好啱，至於食品，竟然不停有驚喜呀！
先食小食開胃一下，火龍芒芒蝦仁配脆蝦片，冇錯，小食名已經講晒裏面有嘅材料，首先我未試過火龍果芒果一齊食，甜甜哋唔錯喎，相信揀選生果都落過功夫，加埋蝦仁同脆蝦片，幾樣唔同咬口嘅嘢，一齊放入口，好精神好開胃
跟住點咗惹火上身咸檸豬頸肉，想睇吓點樣惹火法，原來上菜嘅時候，有菠蘿墊底嘅豬頸肉，正當奇怪豬頸肉上面有塊黑色嘅片唔知係乜嘢，然後店員行埋嚟用火槍點一點，塊黑色片就即刻着咗火，好好玩喎，過火輕輕熱灼一下啲豬頸肉，點埋個鹹檸汁入口，酸酸鹹鹹嘅感覺好爽喎，呢度選食材真係有一手，菠蘿非常之鮮甜，將菠蘿同豬頸肉一齊放入口，口感最佳
又有第二樣嘢玩喎，叫咗NVN咖啡骨，一個杯有好多白色嘅泡沫，跟住店員將熱咖啡倒入去泡沫就用晒響裏面嘅豬軟骨，常常覺得咖啡入饌，係一個難度高嘅動作，除咗咖啡要選得靚之外，仲要食材嘅味道配合得到先至得，今次試呢個咖啡甘香可口，提升咗豬軟骨嘅味道有多一個層次，同埋豬軟骨本身都處理得好好，唔會韌口，正
食埋個飯就啱啱好，同事食佢常叫嘅越式咖喱牛肋條配班蘭椰香飯，班蘭葉打成汁加入椰香飯非常之特別，色香味俱全，有呢個咁香口嘅飯，所以咖喱嘅選擇唔會太濃，處理食材都係有心思，牛肋條又係非常之香口
同事飲南越蛋咖啡，呢隻蛋加入咖啡，完全係畫龍點睛，真真係未試過，而我飲嘅，而我飲嘅荔枝雲朵咖啡，真係打咗個泡沫白雲，荔枝味嘅咖啡亦都係特別到極
原本都已經好飽，想埋單之際，見到隔離枱叫呢個富國島之椰子奶凍，上菜時仲要有噴霧咁好玩，又忍唔住食埋呢個甜品，原來呢一個藍色靚靚嘅椰子奶凍，靈感係來自富國島嘅景色，除咗香甜幼滑之外，都即刻令我提高咗想去越南玩嘅興趣
嘩，呢餐又食又玩，又傾又講，完全掂啦！
張貼
