影片
更多
2021-04-06
237 瀏覽
午餐叫咗親子丼、拿破崙意粉、燉牛肉蛋包飯，南蠻炸雞，侍應到咗桌旁想放低親子丼，我亦立即確認親子丼係我叫嘅，不過侍應冇放低並立即取走食物離開，我睇住個侍應拎住我份食物繞場一周，之後返嚟我旁邊另一枱食緊野嘅客人，放底食物後問親子丼係咪佢地叫，我睇住嗰台客人一邊食緊野一邊近距離向着我的食物講嘢，外籍人士客人話唔係佢嘅，之後個侍應又攞返黎俾我，我問過侍應你咁樣拎嚟拎去問冇戴口罩食緊野嘅客人好唔衛生，個侍應即刻答我換俾你，約1分鐘另一個侍應攞份親子丼返嚟，擺到明就係我之前嗰份啦，我由叫餐等咗15分鐘先先等到我份親子丼，然後1分鐘後就有一份新嘅,如果冇疫情我都唔會咁，疫情擴散真係全賴有你，同埋你冇心換唔好應承人，最後我撩左底試咗兩啖後就冇食，無謂因小失大，呢間野幾好食都唔會再試，順便一提意粉同炸雞都OK，燉牛肉就好韌
14 瀏覽
0 讚好
0 留言
張貼
