囍慶酒家

營業中

休息中

我嘅家族有好多小朋友，今日我哋約埋一齊去科學園踩單車。午飯時間去咗呢間酒樓飲茶，貪佢地方大、交通唔方便、相對容易搵位。 我哋果然好幸運一去到就攞到一張大枱。 小插曲 : 曾鈺成同佢太太兩個人嚟飲茶，坐喺我哋附近 ，我偷望咗去佢幾下，hee hee...我哋叫咗一啲飲茶基本一定食嘅嘢, 例如: 蝦餃、燒賣、鳳爪、牛肉球、馬拉糕、叉燒包、春捲、鹹水角、炒飯、 牛肉腸、蝦腸、 叉燒腸 、燒味飯。 其實呢間酒樓嘅食物係ok嘅。服務方面就...... 人手唔夠，全餐冇人收過一隻碟... 成枱點心點搭疊到高一高... 幾驚會冧...不過有免費泊車，又唔使喺市區同人迫 ，唔收碟都算啦......