囍慶酒家

營業中

休息中

上網睇到介紹有中式放題，即刻去試吓，冇諗過夜晚都可以食到熱辣辣嘅點心，酒樓位於科學園，住喺白石角嘅朋友或者喺科學園返工嘅朋友一定要去試吓，性價比都超高，一個價錢已經包齊晒所有嘅食品，種類都好多，前菜，湯，點心，小菜，燒味，炒飯，炒麵，甜品都有，飲品方面，除咗熱茶，汽水，啤酒仲有紅白酒添，最後仲有經典嘅雀巢雪糕每位客人都會有包鮑魚同花菇各一份+是日中式燉湯另外，酒樓會不斷供應片皮鴨，師傅會係咁片，仲有熱辣辣嘅蝦餃同燒賣，好新鮮呀，小編都食一籠燒賣同蝦餃，蝦餃皮都好薄，裏面嘅蝦肉餡都好多至於燒味方面，小編就極力推介佢哋嘅燒肉同埋叉燒，好有口感最後呢甜品，小編就推介杞子桂花糕+薑汁紅棗糕，一定要食呢兩款嘅糕點，超好味至於酒樓方面呢，其實佢枱同枱之間都揀得好遠，唔會有好大壓迫感，不過有興趣嘅朋友仔， 都要早啲去book位

片皮鴨放題🦆放題6點開始供應，大家一開始嘅目標非常清晰，片皮鴨最為搶手，但係好彩供應都源源不絕，片完一隻就有另一隻，分為淨鴨皮同埋連皮鴨肉兩碟，鴨肉估唔到係好嫩好濕潤～茄汁煎虎蝦、蠔皇5頭鮑魚、雲南野菌日本元貝燉湯係按人頭畀，鮑魚既大隻又炆得腍，依個燉湯同任飲嘅老火湯都超足湯料🥣海鮮有白灼蝦、酸菜魚、潮式浸花蜆等，有平時酒樓嘅水準，酸菜魚嘅份量稍大，有好幾塊魚片而且夠嫩滑🐟廚房小菜嘅款式都幾多，基本嘅菜式都會有，例如咕嚕肉、欖角骨、滑蛋炒蝦仁，仲有炸鮮奶新鮮炸起都唔錯🥢點心係自己出去攞，可以成籠拎或者夾一兩件都得，蝦餃、燒賣、薑汁糕都幾好👌整體嚟講，任食3個鐘好足夠，野食選擇好多，有啲點心、小菜、燒味、炒粉炒麵都未試到，另外出菜好快，侍應都有不時收碟換碟，感覺良好～

星期六去左囍慶科學園食3小時超值春日進補片皮鴨放題破低價低至$158一位起，連無限暢飲，真係超值！ 🔘頭盆定食: 茄汁煎焗大虎蝦每位1隻雲南野菌燉日本元貝每位1盅蠔皇5頭鮮鮑魚伴椎茸(每位1隻) 🍽無限任叫45款美食飲品: 片皮鴨、紅/白餐酒、酸甜黑豚肉、蜜餞欖角骨、 珍菌牛柳粒、惹味椒鹽骨、滑蛋炒蝦仁、魚香炆茄子、豉蒜虎皮尖椒、潮式鹹菜煮豬肚、蒜茸炒雜菜、竹笙燴上素、椒鹽脆皮豆腐粒、脆皮炸鮮奶、生炒廚皇炒飯、豉油皇炒麵、乾燒伊麵 🦐海鮮:老壇酸菜魚、白灼海生蝦、酥脆廣島蠔、潮式浸花甲 🥢點心:原隻鮮蝦餃、蟹籽燒賣皇、奶皇千層糕、千層薑汁糕、養顏紅棗糕、金絲脆麻花、杞子桂花糕 🥓燒味:脆皮燒腩仔、沙薑雞腳、蓬萊素鵝、青瓜雲耳、 煙燻鴨胸、瑤池香妃雞、沙薑鹽水雞、麻辣口水雞 🍷飲品:各式汽水、橙汁、生力啤酒、紅/白餐酒 講真呢度超出我預期，性價比極高，簡直無一樣嘢係唔好食，侍應服務禮貌，上菜快亦無漏單，非常推薦約埋一家人來Book枱試試 🔅推介：片皮鴨、老火燉湯、蝦餃、燒賣、黃金炸魚皮、酥炸廣島蠔、酸菜魚和豉蒜虎皮尖椒 📍囍慶科學園沙田香港科學園科技大道西一號一樓

其實呢一間酒樓已經做過好幾次嘅片皮鴨放題，終於班鄰居話我想試，咁就一行11人去試吓佢個片皮鴨放題。一入到門口嘅話左手邊已經係自助吧，紅白酒汽水雪糕可以隨意攞，另外亦都有啲點心，片皮鴨係不停咁樣出又轉人喺度片望落去都係幾好。點心款式雖然唔多不過蝦餃、燒賣同埋紅棗糕係幾好食。等齊人就經理開咗個QR code俾我哋點樣食另外就想跟餐冇得refill嘅三道菜，蠔皇鮑魚花菇，隻鮑魚幾彈牙，但係西蘭花就唔係人頭，唔夠分。個茄汁煎蝦啲蟹肉夠實淨，亦都好爽口浸唔算多啱啱好包住個蝦殼幾好食，仲有個燉湯，濃濃嘅菇味係幾好又有瑤柱。不過其他無限encore嘅食物就強差人意，如果以返我哋11個人嘅份量，其實佢可以比大碟啲，但係就好似啲日式放題咁樣隻幾隻，有啲寒酸。同埋個Apps裏面明明話係咁浸花甲，無論字同埋圖都係。但係嚟到嘅時候就係一啲沙白蜆仔嗰類嘅貝類。如果覺得成本達高嘅，就不如改一改個菜單，唔好話俾人聽係花甲，避免客人投訴。如果無限refill嚟講酸菜魚，豬腳，炸魚皮可以encore。不過都係嗰句留肚食多啲片皮鴨會開心啲。

食物質素很不錯，今晚食片皮鴨放題3小時，皮脆肉juicy、食左好多轉；蝦餃好食，皮薄肉爽；小菜、點心、飯麵任食，提一提酸菜魚，辣度少許，但更能食到🐟的鮮味。很值得一提，呢間d員工服務態度好好、笑容滿面、不停refill食物、體貼客人需要

喜慶下午茶真係好扺，45蚊兩個點心。今次我地五個人食咗十一個點心，一個米粉，好好食，好夠飽。 👍我00後平時有飲下茶咁，未見過第二度可以叫奶黃丸，係朋友識叫我先有幸試到咁正嘅甜品，啲芝麻炸香味出曬嚟，奶黃餡同個微鹹嘅脆皮好夾，推薦！ 😍😍燒賣夠濕潤鮮甜好正，鮮蝦菜苗餃好鮮甜好食，推薦！ 😍牛肉窩米份量好多，又有菇同豆腐營養好豐富，好食嘅，健康之選，我有小小熱氣食佢完全無負擔！推薦！ 😍芝麻卷同擂沙湯圓唔太甜好食我鐘意，好多俾我地搶曬！ 😍腐皮卷同牛肉球同牛肉腸一向咁好食，菜心夠軟唔多油， 😃今次我顧住食其他嘢無食到鳳爪，同行嘅朋友們鐘意食鳳爪好快食曬！😃

我哋一行6 人約咗1-1-2025 嚟飲茶🫖叫咗都幾多嘢食，叫咗個青椒🫑都幾辣惹味！其餘有蝦腸、排骨、Xo 醬蘿蔔糕、豆沙鍋餅、小籠包、馬拉糕、菜苗餃、蒜蓉炒豆苗! 豆沙鍋餅唔係咁好食，皮較硬及厚，豆沙亦唔多，可以不試！豆苗份量大亦唔會太油，值得一試！馬拉糕亦唔錯！其餘正常發揮， 職員態度亦好，坐得舒適，值得加分😊

我們一家七口包括一個兩歲同八歲小孩食冬至飯，爺爺見到中式放題又有片皮鴨食即刻心心眼，服務員講明1.2米以下都要收$200，其餘人頭$268任飲任食，見佢企咁硬以為食物有點質素… 點知都係伏，見佢小菜廳個邊都有好幾圍客諗住下次試吓，依家無下次👋🏻。講吓啲食物：跟人頭贈送羊腩煲：啲羊超騷又柴皮鮑魚西蘭花：OK瑤柱燉湯：算幾好飲放題菜式：片皮鴨：包皮同鴨肉都沒有溫度，而且肉鞋無味點心（核桃包，燒賣，饅頭，蒸餃）：真心唔好食咕嚕肉：OK炸魷魚鬚：OK花甲：肉細小但無沙同甜炒雜菜：OK切雞：肉鞋無味桂花糕：太爽口唔夠彈呀其實冇乜嘢啱兩歲小朋友食，食物賣相絕對唔會令你想食多兩件，而且性價不成正比，絕對不推薦。

於優惠訂購平台購買優惠，2人，198+本來沒抱有期待，但頭盤已超出望外(鮑魚，羊腩，湯）足料味美片皮鴨，酸菜魚，點心等都正常發揮任飲玻璃裝汽水絕對是加分位另外，待應有禮貼心，會提醒羊腩要儘快享用，有新鴨出爐等，抵讚

The environment is nice and spacious. Not too busy on an early Sunday morning. The food is decent. Servers were lovely and attentive. However, there are two separate menus, one on their QR system, one paper version on a small yellow piece of paper. The price difference is more than 50% as the yellow paper is two-for-one. We made the mistake of ordering on the QR system and thought it was supposed to be the price as listed on the paper menu. But we were charged at the original price ultimately du

今次係網上平台買咗呢個中式放題餐，嚟到科學園分店，環境唔錯，乾淨企理，片皮鴨和點心都是任食的😝另外我哋仲叫咗其他嘢食，佢哋係用QR code點菜，所有燒味都是任食，嘢飲都是任飲的，我最欣賞佢哋竟然有支裝汽水！乳鴿味道好好，不過呢個係一次性食品！另外白灼生蝦都非常新鮮，連酸菜魚都可以任叫🐟湯都有幾款任飲，而且職員態度非常親切，推介大家過來一試！以呢個價錢嘅中式放題嚟講真係超值，平時去酒樓叫一碟菜都要過百蚊

這酒樓位於科學園，附近沒有地鐵站，不是朋友開車到來，真的未必會來。到達後，發現這酒樓質素其實不錯，價錢也不太貴，午市和晚市還有不少優惠。我們點了午市A雙連環，選了三個點心，分別是棉花雞、腐乳通菜和雪山叉燒包，另外還點了一個福建炒飯。我們三人同行，送一款點心，我們選了蝦餃。棉花雞份量很大，魚肚有三大片，雞肉很多，還有蟹柳和冬菇，味道好。腐乳通菜，菜灼得翠綠爽口，份量也不少，腐乳醬不會過鹹。雪山叉燒包相對遜色一點，看來已經焗好了好一陣子，所以包有點塌，雪山皮不太脆，叉燒內餡不算很多，味道倒還不錯。贈送的蝦餃有驚喜，內餡的蝦爽口彈牙，味道好。福建炒飯和平日吃的賣相不同，炒飯放在碟子中央，其他食材和醬汁圍在炒飯旁，像護城河。這炒飯味道也不錯，其他食材包括蝦、帶子（蝦和帶子的個子都很少）還有不少蔬菜粒，整體來說，肉類的食材比例太少。

見到網上有片皮鴨放題任食三個鐘，即刻上嚟試吓佢啦！！我哋7:30去到其實都係得四枱客～ *一坐低經理竟然同我哋講話啲片皮鴨擺喺室溫叫我哋隨便攞嚟食，已經覺得瀨晒野片皮鴨係主打，都夠膽擺室溫，仲要食落係「全凍既～」終於清晒啲鴨喇，聽到經理話隻鴨燒緊，滿心期待一片完即刻去攞啦⋯都係凍既～我唔明點解從來都冇人講過呢個片皮鴨放題嘅伏位，相信好多人知道片皮鴨唔係熱嘅都唔會嚟食囉！！網上訂位$198/位，去到再加左百幾蚊服務費，極度不值！亦唔會再幫襯！

今年聖誕節和家人一共五人去附近科學園飲1:00正價茶，人唔多，坐得10分舒服。入去攞位一刻開始，已經深深感受到香港已經消失了的優質服務，由正門支客，到帶位服務員，甚至傳點心的阿姐，都充滿着好好的笑容。酒樓部長經理更加服務一流，笑容滿面，一問一答，令人10分舒服。當我們好奇問下午茶幾時開始的時候，他們不但沒有白眼我們，甚至10分有禮貌和詳細的給我們介紹下午茶開始的時間。點心價錢不是大眾化和10分便宜。但點心質素算是高質，入咗membership 之後所有點心都有折頭，埋單價錢算是10分化算。今時今日遇到這些優質服務和態度真的令人感到10分恩惠，希望其他食肆可以效法，令到香港人可以繼續香港消費。

對於一個魚愛好者黎講，$53就食到原條倉魚再加一個餸嘅飯，仲要係科學園入面都真係唔太容易。仲要係蒸嘅魚，唔係炸嘅！囍慶本身係一間酒樓，但係佢係科學園有做埋快餐區，$53兩餸飯，亦都有常餐，燒味嗰啲。大大條原條倉魚，一條骨就起到，魚質唔係話超級滑，但係魚肉味係仲有嘅！而且咁嘅價錢真心抵食😋😋另外，兩餸飯嘅選擇，每日都有差唔多6個餸，有菜有肉！只要1點前去食，就通常咩都有，過左1點就好多餸會冇晒🙈特別係魚呀！🐟🐠🐡