影片
更多
2021-08-10
70 瀏覽
之前週末來過要排隊，今日放工同媽咪黎食，walk in就有位👍🏻因為媽咪等我放工嘅時候自己食咗個下午茶，所以我哋今次都唔算叫咗好多嘢食，同媽咪 chill住嘆個好味晚餐呢個餐廳客戶類型都幾廣，有一家人來食，亦都有自己一個人嚟食，同時亦見到有後生女係到食飯 + 溫書。呢度樓底好高，有好多藝術品，而且服務周到。相對比上次光顧，今次比上次坐得更加舒適，而且環境冇上次咁熱鬧，平日夜晚嘅氛圍較適合傾偈。蟹肉蟹籽芒果沙律$128蟹肉唔算好多，不過芒果好甜同埋好新鮮！招牌安格斯高級肉眼牛扒(10 oz)配薯條$218本身係黑松露薯蓉，但係轉左做薯塊。牛扒肉質煮得剛好。見到隔離枱食羊架都好吸引，下次要點！意式提拉米蘇$78媽咪指名要點佢哋嘅signature Tiramisu，夠凍夠滑！玫瑰洛神花茶$58酸酸地，幾提神。飲完一壺，侍應仲幫我地加熱水。雖然比起第一壼淡咗啲，但細心嘅安排讓我哋可以食完野可以一路傾計一路飲多少少。海鹽朱古力香蕉冰雪世界$68佢本身話啲咖啡同埋特飲賣晒都有少少失望，不過之後侍應話仲有呢個海鹽朱古力！二話不說即刻嗌左。呢杯特飲係凍朱古力，底部有一粒粒香蕉，個面就係有一層奶蓋，再
之前週末來過要排隊，今日放工同媽咪黎食，walk in就有位👍🏻因為媽咪等我放工嘅時候自己食咗個下午茶，所以我哋今次都唔算叫咗好多嘢食，同媽咪 chill住嘆個好味晚餐
呢個餐廳客戶類型都幾廣，有一家人來食，亦都有自己一個人嚟食，同時亦見到有後生女係到食飯 + 溫書。呢度樓底好高，有好多藝術品，而且服務周到。相對比上次光顧，今次比上次坐得更加舒適，而且環境冇上次咁熱鬧，平日夜晚嘅氛圍較適合傾偈。
蟹肉蟹籽芒果沙律$128
蟹肉唔算好多，不過芒果好甜同埋好新鮮！
招牌安格斯高級肉眼牛扒(10 oz)配薯條$218
本身係黑松露薯蓉，但係轉左做薯塊。牛扒肉質煮得剛好。見到隔離枱食羊架都好吸引，下次要點！
意式提拉米蘇$78
媽咪指名要點佢哋嘅signature Tiramisu，夠凍夠滑！
玫瑰洛神花茶$58
酸酸地，幾提神。飲完一壺，侍應仲幫我地加熱水。雖然比起第一壼淡咗啲，但細心嘅安排讓我哋可以食完野可以一路傾計一路飲多少少。
海鹽朱古力香蕉冰雪世界$68
佢本身話啲咖啡同埋特飲賣晒都有少少失望，不過之後侍應話仲有呢個海鹽朱古力！二話不說即刻嗌左。呢杯特飲係凍朱古力，底部有一粒粒香蕉，個面就係有一層奶蓋，再加一層海鹽焦糖！薄薄一片脆身焦糖鹹甜兼備，層次好豐富同埋好好味！
張貼
