B’hood

營業中

休息中

Blue Monday同朋友決定放工去尖東食餐好，行經百周年紀念公園，遇角見到呢間小店插就入去試吓。餐廳環境寧靜舒服，同朋友叫咗個黃咖喱蟹肉蒜蓉包做小食，蟹肉份量頗多，咖喱香濃，配上脆邊軟心蒜蓉包，yummy！食完仲想去食多兩塊。主食叫咗蟹肉蟹子黑松露忌廉長通粉，忌廉汁香濃，蟹肉鮮味，長通粉軟硬度適中，菜式看似簡單，但整個配搭及質素都不錯。另外叫咗經典西班牙蛋餅，熱辣辣嘅蛋餅非常吸引，當中加了煙肉同腸仔，味道更加豐富，下次有機會再試另一款蟹肉龍蝦汁蛋餅。餐廳有不少特色咖啡同酒精類飲品，朋友點了一杯叫Dopamine的highball，vodka加接骨木花甜酒同蘋果汁，用虹吸萃取，易入口又有層次，如果可以睇到調製嘅過程，應該係一番享受。