Green Orange

最近上網見到位於上環既【Green Orange】有$1一隻生蠔超抵食、而屋企人又超鍾意食生蠔，所以就同佢去慶祝生日啦。$1生蠔：$1生蠔叫Main就可以叫最多10隻；叫set dinner最多可叫20隻。呢個價錢真係抵到爛啦！用左時令蠔，海水味濃郁，仲要夠晒新鮮，絕對係必食之選！無花果配黑毛豬伴黑醋芥茉汁：黑毛豬鹹香惹味，配埋無花果嘅清甜同青蘋果嘅爽脆，口感好有層次。黑醋芥茉汁帶少少酸甜同微辣，成個配搭好開胃。虎蝦海鮮濃湯：湯底濃郁到爆，虎蝦嘅鮮味完全融入湯中，仲有好多海鮮、誠意滿滿，飲落去鮮甜得嚟唔會膩。甘筍忌廉湯：甘筍嘅甜味好突出，忌廉令湯質感更加滑溜。北海道帶子配忌廉香草醬意大利飯：帶子煎到外脆內嫩，鮮味十足！意大利飯煮得啱啱好，忌廉香草醬香滑濃郁，每啖都充滿住香草同忌廉嘅香氣。是日精選魚—香煎石斑：石斑魚皮煎到金黃香脆，魚肉嫩滑多汁，簡單用鹽同胡椒調味已經好鮮味，配埋旁邊嘅蔬菜同醬汁，簡直係完美配搭！開心果巴斯克芝士蛋糕：芝士蛋糕口感creamy又滑溜，仲可以免費畫公仔同寫生日祝福，真係好貼心！