影片
更多
2022-06-23
83 瀏覽
土瓜灣雖然有屯馬線開通，但其實對我黎講都真係幾唔就腳，奈何呢頭真係好多好野食，為左食，我都豁左出去🤭今次呢間小店係土瓜灣麵頗有人氣，地方都幾闊落，簡潔既裝修，以fusion 菜為主打，仲有唔少甜品提供北海道松葉蟹甲羅盛·海鮮日式煲仔飯配口味噌湯呢個煲仔飯係呢度既signature, 我見人人都會叫一個，揀左甲羅盛，入面有隻日本蛋同蟹膏，另外仲有蝦、青口、帶子、魷魚仔等等既海鮮，店員建議可以先撈勻後食少少蟹膏，再將d蟹膏撈飯一齊食，蟹膏就咁食甘甜可口，不過撈落飯份量就唔太夠，同埋店員卑漏左醬油我地，所以成個煲仔飯味道偏淡龍蝦竹笙湯龍蝦味道濃郁，d竹笙絲幾好咬口香煎鵝肝·焦糖蘋果·無花果黑醋汁鵝肝煎得岩岩好，焦脆膻香，件焦糖蘋果同黑醋汁帶點果酸既味道，正正有解膩既作用燒魷魚串細細隻魷魚仔燒後好香，蘸埋佢個辣醬，又辣又惹味黑毛豬脆片·卡邦尼意粉塊ham焗至脆身，好似薯片咁脆口，味道咸咸香香，同卡邦尼意粉味道好夾西班牙伊比利亞橡果黑毛豬鞍架·焦糖蘋果用上西班牙伊比利亞豬鞍，煎得岩岩好，肉質又嫩又腍，但個調味我覺得淨左d，個豬鞍食落較膻，豬味較重富士蘋果生芝士蛋糕配海鹽雪糕芝士凍餅入面有d蘋果肉
今次呢間小店係土瓜灣麵頗有人氣，地方都幾闊落，簡潔既裝修，以fusion 菜為主打，仲有唔少甜品提供
北海道松葉蟹甲羅盛·海鮮日式煲仔飯配口味噌湯
呢個煲仔飯係呢度既signature, 我見人人都會叫一個，揀左甲羅盛，入面有隻日本蛋同蟹膏，另外仲有蝦、青口、帶子、魷魚仔等等既海鮮，店員建議可以先撈勻後食少少蟹膏，再將d蟹膏撈飯一齊食，蟹膏就咁食甘甜可口，不過撈落飯份量就唔太夠，同埋店員卑漏左醬油我地，所以成個煲仔飯味道偏淡
龍蝦竹笙湯
龍蝦味道濃郁，d竹笙絲幾好咬口
香煎鵝肝·焦糖蘋果·無花果黑醋汁
鵝肝煎得岩岩好，焦脆膻香，件焦糖蘋果同黑醋汁帶點果酸既味道，正正有解膩既作用
燒魷魚串
細細隻魷魚仔燒後好香，蘸埋佢個辣醬，又辣又惹味
黑毛豬脆片·卡邦尼意粉
塊ham焗至脆身，好似薯片咁脆口，味道咸咸香香，同卡邦尼意粉味道好夾
西班牙伊比利亞橡果黑毛豬鞍架·焦糖蘋果
用上西班牙伊比利亞豬鞍，煎得岩岩好，肉質又嫩又腍，但個調味我覺得淨左d，個豬鞍食落較膻，豬味較重
富士蘋果生芝士蛋糕配海鹽雪糕
芝士凍餅入面有d蘋果肉粒，減左芝士整身既膩，整件都幾軟滑，海鹽雪糕配芝士餅一齊食亦都有驚喜，師傅吱個玫瑰花圖案亦都好靚
玫瑰芋泥日式卷蛋配法式焦糖布丁
卷蛋都幾厚切，芋泥唔算好甜，但都幾膩，但訓底左咁上碟就有少少唔美觀🫢
法式焦糖布丁焦糖就正常發揮，沒有太大驚喜
整體來講都唔錯，店員亦對盡量滿足客人既需求，呢點我係幾欣賞的
張貼
