影片
更多
2022-01-16
762 瀏覽
緻素坊店舖面積唔大，所以去前最好book位。點心款式唔算多，但每款賣相都幾精緻。A001 筍尖蝦餃皇 ($42)同行家人話味道同質感像真度高，咬落有素蝦嘅爽口，而且夠濃味。A002 金邊帝苗餃 ($36)餡料主要係皇帝菜嘅莖，爽口，但味道較淡。A005 素翅灌湯小籠包 ($48)咬落有素肉嘅口感，小籠包入面好多湯汁。A009 健康素菜包 (煎) ($39)包嘅外皮軟熟，餡料主要係椰菜同木耳，味道偏淡。A0012 四寶滑雞紥 ($42)超好食，推介。以前我食過嘅素四寶紥通常用素雞、素火腿、芋頭同北菇，食完會覺得好滯，而且食材唔夠入味。呢到嘅四寶紥用咗雪耳、猴頭菇、北菇同粟米仔，感覺冇咁滯之餘，食材都好入味，甚至有酒樓四寶紥嘅味道。A0013 鮮蟲草花蒸猴頭菇 ($39)B002 甘筍鹹水角 ($36)打卡之選。外皮夠薄同煙韌，餡料以菇類為主。B006 香煎蘿蔔糕 ($36)好香蘿蔔糕味，外表煎到金黃色。D002 椰香擂沙湯丸 ($38)D003 特色芒果布丁 ($48)另一打卡之選。芒果布丁用花盆裝住，附上鐵鏟造型嘅匙羹。口感似奶酪，椰汁味較重。E005 春風得意腸 ($46)佢用腸粉皮
A001 筍尖蝦餃皇 ($42)
同行家人話味道同質感像真度高，咬落有素蝦嘅爽口，而且夠濃味。
A002 金邊帝苗餃 ($36)
餡料主要係皇帝菜嘅莖，爽口，但味道較淡。
A005 素翅灌湯小籠包 ($48)
咬落有素肉嘅口感，小籠包入面好多湯汁。
A009 健康素菜包 (煎) ($39)
包嘅外皮軟熟，餡料主要係椰菜同木耳，味道偏淡。
A0012 四寶滑雞紥 ($42)
超好食，推介。以前我食過嘅素四寶紥通常用素雞、素火腿、芋頭同北菇，食完會覺得好滯，而且食材唔夠入味。呢到嘅四寶紥用咗雪耳、猴頭菇、北菇同粟米仔，感覺冇咁滯之餘，食材都好入味，甚至有酒樓四寶紥嘅味道。
A0013 鮮蟲草花蒸猴頭菇 ($39)
B002 甘筍鹹水角 ($36)
打卡之選。外皮夠薄同煙韌，餡料以菇類為主。
B006 香煎蘿蔔糕 ($36)
好香蘿蔔糕味，外表煎到金黃色。
D002 椰香擂沙湯丸 ($38)
D003 特色芒果布丁 ($48)
另一打卡之選。芒果布丁用花盆裝住，附上鐵鏟造型嘅匙羹。口感似奶酪，椰汁味較重。
E005 春風得意腸 ($46)
佢用腸粉皮包住春卷，餡料同素菜包差不多，都係椰菜、紅蘿蔔同木耳為主。
F007 手撕杏鮑菇 ($62)
一絲絲嘅杏鮑菇炸完後，表面再沾上淮鹽，食食下都幾鹹，炸野都係多人食就比較好。
S005 乾炒叉燒河 ($48)
張貼
