豚豚食堂

營業中

休息中

雖然對午餐嘅要求唔係太高，但係一個咁簡單嘅吉列炸豬扒雞蛋飯可以做到咁求其真係好難得！雪藏嘅炸豬扒，肉質非常之硬及鞋口，無味道之餘炸粉亦都非常之厚。蛋同埋飯都唔熱，整體嘅感覺是但求其煮，茶餐廳嘅質素仲好啲。熱咖啡嘅奶好腥，飲咗兩啖已經飲唔落。半個鐘頭之內，用餐未完已經俾員工收定食盤三次，其實連定食嘅湯都未飲，坐喺度食飯極之受到打擾及周身唔安樂。雖然$70-80的價位對午餐來講都幾合理，但係不如幫襯附近嘅茶餐廳啦，起碼杯奶茶咖啡唔會太難飲。