更多
2023-01-31
2156 瀏覽
好味指數😋😋😋回頭指數 ⭐️⭐️開心指數🤗🤗🤗 朋友 gathering 揀咗呢間打卡餐廳，最靚嘅打卡位響餐廳出面，同埋一入門口嘅位置，夜晚 + 天氣凍 + 車路天橋景，我去嗰晚就冇人坐戶外啦😂 不過我相信，有陽光嘅下晝感覺會好好多，同埋呢間係寵物友善餐廳，亦都有提供狗狗餐，帶埋寶貝嚟坐戶外應該幾開心嘅，雖然對住條馬路呢個事實係唔會改變～ 至於chill 唔 chill，都係感覺嚟嘅！我哋叫咗4款小食，3款主菜，1款甜品，3款飲品。 🍴意大利香醋一字豬肋骨（$98）以小食嚟講，有5件豬肋骨，份量都幾多，意大利香醋個味幾好，醋味好順喉，酸酸甜甜好開胃，豬肋骨煮得肉骨分離，呢個作為前菜幾合適。 🍴橄欖油漬廣島蠔多士（$98）廣島蠔都幾大隻，橄欖油漬做法令廣島蠔更加鮮味，上面加咗三文魚籽，口感豐富，竹炭多士好厚身，但係又唔脆又唔軟仲有少少韌，有D 奇怪，如果可以外脆內軟就好啦！ 🍴Be Leaf 小食拼盤（$138）拼盤有4款小食：炸蝦、炸雞翼、炸魷魚鬚、炸洋蔥圈，配2款醬料，如果冇食錯，應該係蜜糖芥末醬同泰式酸甜醬。炸蝦同雞翼各有4隻，呢兩款係最好食，炸蝦個炸皮比較薄，蝦嘅肉質唔錯，雞翼炸到外
回頭指數 ⭐️⭐️
開心指數🤗🤗🤗
朋友 gathering 揀咗呢間打卡餐廳，最靚嘅打卡位響餐廳出面，同埋一入門口嘅位置，夜晚 + 天氣凍 + 車路天橋景，我去嗰晚就冇人坐戶外啦😂 不過我相信，有陽光嘅下晝感覺會好好多，同埋呢間係寵物友善餐廳，亦都有提供狗狗餐，帶埋寶貝嚟坐戶外應該幾開心嘅，雖然對住條馬路呢個事實係唔會改變～ 至於chill 唔 chill，都係感覺嚟嘅！我哋叫咗4款小食，3款主菜，1款甜品，3款飲品。
🍴意大利香醋一字豬肋骨（$98）
以小食嚟講，有5件豬肋骨，份量都幾多，意大利香醋個味幾好，醋味好順喉，酸酸甜甜好開胃，豬肋骨煮得肉骨分離，呢個作為前菜幾合適。
意大利香醋一字豬肋骨
$98
64 瀏覽
0 讚好
0 留言
🍴橄欖油漬廣島蠔多士（$98）
廣島蠔都幾大隻，橄欖油漬做法令廣島蠔更加鮮味，上面加咗三文魚籽，口感豐富，竹炭多士好厚身，但係又唔脆又唔軟仲有少少韌，有D 奇怪，如果可以外脆內軟就好啦！
橄欖油漬廣島蠔多士
$98
38 瀏覽
0 讚好
0 留言
🍴Be Leaf 小食拼盤（$138）
拼盤有4款小食：炸蝦、炸雞翼、炸魷魚鬚、炸洋蔥圈，配2款醬料，如果冇食錯，應該係蜜糖芥末醬同泰式酸甜醬。
炸蝦同雞翼各有4隻，呢兩款係最好食，炸蝦個炸皮比較薄，蝦嘅肉質唔錯，雞翼炸到外脆內軟，都幾入味。炸魷魚鬚同炸洋蔥圈個炸皮好厚，層皮仲厚過主角😅呢款好壞參半。
Be Leaf 小食拼盤
$138
33 瀏覽
0 讚好
0 留言
🍴水牛城雞翼3隻（$68）
價錢上比較貴，如果6隻嘅價錢係$98，3隻嘅價錢係$58 會 make sense 過$68，個醬汁唔算突出，酸味同辣味冇咩令人喚醒味蕾嘅感覺，只屬正常，唔太值呢個價錢。
水牛城雞翼3隻
$68
26 瀏覽
0 讚好
0 留言
🍴磯煮鮑魚花膠龍蝦湯燴撒丁珍珠意粉（$158）
呢個係3款主菜入面最好食嘅一個，將花膠配落意粉類嘅 idea 都幾creative！珍珠意粉脹卜卜好似大粒嘅飯咁，咬落去al dente，口感好好，亦都吸收晒龍蝦湯嘅味，有D 食緊飽滿 risotto 嘅感覺！花膠幾大片，鮑魚仔正常，呢個因為珍珠意粉煮得好，所以我覺得好好食！
磯煮鮑魚花膠龍蝦湯燴撒丁珍珠意粉
$158
24 瀏覽
0 讚好
0 留言
🍴香煎羊肚菌意式煙肉菠菜意大利麵（$138）
正常發揮，冇特別。
香煎羊肚菌意式煙肉菠菜意大利麵
$138
21 瀏覽
0 讚好
0 留言
🍴慢煮美國牛板腱扒伴原隻琵琶蝦配黑松露燒汁（$278）
我第一刀想切開牛板腱時，已經心感不炒！我用切牛扒嘅刀，切到成張檯地震咁，都唔係太切得開。用咗九牛二虎之力，終於切到一片出嚟食，一放入口，實在唔係太咬得開😥 牛板腱本身嘅特性係肉味濃、有彈性，我亦都明白肉質會相對硬，以我嘅理解，慢煮係可以令肉質軟腍，所以諗住叫呢個慢煮牛板腱就應該okay 啦，點知。。。結果係。。。完全feel 唔到佢慢煮過，令人食咗一啖就會想放棄繼續食落去！琵琶蝦煮得過熟，已經煮到蝦肉硬咗，冇咗鮮甜爽口又嫩滑感覺，浪費！浪費！浪費！加埋10% 呢一碟超過$300，雖然唔係勁貴，但係換嚟呢個結果的確唔太開心。
慢煮美國牛板腱扒伴原隻琵琶蝦配黑松露燒汁
$278
19 瀏覽
0 讚好
0 留言
🍴宇治抹茶紅豆伴烤糰子梳乎厘班戟（$128）
打卡系甜品，份量比想像中大，蓬鬆輕盈感比想像中少，略嫌唔夠空氣感，宇治抹茶有D 渴撻撻，唔算好食。
宇治抹茶紅豆伴烤糰子梳乎厘班戟
$128
21 瀏覽
0 讚好
0 留言
🍴薑蜜紅茶（$42）
🍴蔓越莓玫瑰紅棗茶（$42）
兩款花茶精緻亦都用料足，沖咗3次水都仲好夠味！另外一讚係店員主動嚟加水。
🍴Ocean paradise（$46）
呢個係朋友飲嘅，係期間限定，用藍橘配荔枝乳酸，顏色係幾靚嘅，朋友講正常囉～
整體上小食同主菜嘅擺盤，都放咗食用花同菜苗，非常好打卡，頭兩三碟見到都會覺得好靚，但當碟碟都見到接近一樣嘅裝飾時，wow factor 就會開始覺得有D 膩！可能如果食一兩個小食、一個 main course、一個甜品同飲品，就唔會出現呢種見到悶咗嘅狀態呱。
價錢上呢個地區都算係中價，但食物質素卻追唔上，感覺唔太值呢個價位。餐廳設計睇得出花咗唔少心思營造打卡位，如果著重打卡，叫兩三碟食物飲品，仲要叫得啱比較好食嘅dish，可能滿意度會高D 嘅～
另外，餐廳用餐時間係90分鐘，我相信係繁忙時間先會催促你走，可能因為咁樣嘅原因，廚房出菜嘅速度非常快！前菜同主菜會接近一齊送上，我哋，同我眼見有一D客人嘅檯，係差D 放唔落食物，好擠迫之餘，亦都會因為食唔切，食物會放耐咗，影響咗溫度同質素。
以今次嘅體驗，以我著重食物質素多過打卡值嚟講，呢間餐廳回頭嘅機會率唔算太高啦！
張貼
