薑媽

營業中

休息中

薑媽係一間一個月總會去一至兩次嘅餐廳。今日同朋友去食午餐，發現人少了，心裏暗喜，因為終於唔洗喺門口企好耐。但原來人少嘅原因係價錢貴了，食物質素維持唔到，服務也差了。餐飲加了$16（另加一)要了杯咖啡，咖啡送來後發現比以前味道濃了苦了，於是要求待應多給少少奶，得到回覆係要加$3。當下覺得有點荒謬，無論喺五星級酒店Coffee Shop或是茶餐廳都未曾聽聞。只是一個少少要求，也沒有要求沖過另一杯。最後我沒有加錢，也沒有把咖啡飲完。本來都算，點知埋單時收銀那位問我食物如何，我便跟她反映唔明白點解要收$3，她同我講佢餐廳轉咗一種深焙嘅咖啡豆，再加一大堆佢嘅理論，甚麼加多咗奶會影響個aftertaste。跟住我問客人嘅口味重要還有你嗰啲理論重要！？她又再重複她的理論。本身好支持小店，應該係最後一次幫襯了。