Nutmad (已搬遷) 新店位置

觀塘工廈區一向多樓上cafe，環境舒適食物出色嘅Nutmad就真係第一次去。喺毅力工業中心上樓就輕易搵到，一入去空間唔算大，但充滿自然光嘅照射令打工仔嘅lunch time多一份悠閒同喘息嘅機會。至於食物方面份量夠哂大，初次嘗試嘅飲管麵更加有驚喜！飲管麵麵身中空，非常彈牙有咬感，較粗嘅麵條內外亦更易掛上香濃醬汁！好味道～！最值得一提係佢哋嘅服務態度真係好好，親切又體貼，店員知道我朋友未到會等佢嚟到先上另一份湯同食物，避免太早上嘢食凍哂！我見佢哋仲有好多其他菜式同甜品，如果有再去觀塘附近一定會再次去依間！