影片
更多
2023-12-25
57 瀏覽
食物唔穩定，今次個龍蝦Overcooked，焗乾咗個龍蝦變成擦子膠,食完飯問個女侍應蛋糕Menu喺邊？因為我哋想加take away蛋糕，女侍應回答啲蛋糕喺出邊你哋自己出去揀不過拎走要加$5，我哋回答佢冇問題，於是佢叫我哋出去，個女士望住我哋拎埋個QR code出去揀外賣同埋單，去到門口個收銀完全冇理過我哋，於是我哋俾一個買外賣女士打尖，等佢揀完蛋糕，我哋同收銀講我哋想揀埋蛋糕同埋單，跟住收銀收咗我哋錢，雖然個蛋糕加咗一而而我哋根本冇坐低食都冇所謂啦，但係個收銀竟然叫經理（ 男人）拎嗰兩件蛋糕去我哋張枱度，於是我咪同佢講我哋拎走個喎，個收銀用一種好囂張嘅態度質問。我「你又話堂食？」我回答「我的確係喺你度堂食完而家外賣兩件蛋糕走，我拎住個牌你問我係咪堂食完我梗係答你堂食完，我冇堂食我點會有你個牌埋單呢？」跟住佢同我講外賣個紙盒收$5 ，究竟呢間嘢嘅定位係乜嘢？咁驚人俾唔起個$5 ？跟住我同佢講「你入邊個女同事同我講叫我自己出嚟揀蛋糕冇蛋糕Menu，於是我拎埋個牌出嚟買單揀蛋糕跟住走，佢已經問咗我$5外賣盒有冇問題，我都已經答咗佢冇問題，你收錢唔係問題。（你都已經將我嘅外賣加咗一啦）但係你
跟住佢同我講外賣個紙盒收$5 ，究竟呢間嘢嘅定位係乜嘢？咁驚人俾唔起個$5 ？跟住我同佢講「你入邊個女同事同我講叫我自己出嚟揀蛋糕冇蛋糕Menu，於是我拎埋個牌出嚟買單揀蛋糕跟住走，佢已經問咗我$5外賣盒有冇問題，我都已經答咗佢冇問題，你收錢唔係問題。（你都已經將我嘅外賣加咗一啦）但係你哋可唔可以溝通好？」於是佢係冇完全冇道歉嘅情況之下講咗句「個同事係part-time」。
我問佢咁你嗰$5諗住點收我？佢同我講其實係要五個半，跟住我問佢咁你嗰+1諗住點settle？佢就講嗰$5唔收啦。其實冇一間餐廳會將外賣加一，而我哋+1嘅價錢係多過佢嗰個所謂嘅$5外賣再加一即係五個半，幾蚊唔係問題，但係個收銀收多咗錢仲要講到係個客佔咗便宜咁，於是我哋放棄咗溝通，一蚊幾毫就慳返啖氣啦。
其實而家個問題唔係出喺個唔識嘢嘅part-time身上，而係個收銀態度真係非常之惡劣，而個客走嚟食好似俾人施捨咁，自己做錯嘢搞錯晒啲嘢，如果個客係想堂食嘅咁做乜要自己走出嚟收銀埋單？你一直望住個客企咗喺收銀度買咗單等緊拎走蛋糕，但係你企圖將件蛋糕送去我哋離開咗嗰張枱？
外賣都冇話唔可以坐喺度等你serve嘅，不過一間餐廳首先要請咗啲真係識做嘢嘅人囉，如果你係安排得好嘅，你完全可以攞個蛋糕Menu俾個客睇揀蛋糕，自己再過嚟幫我埋單，等個客唔使自己走出嚟揀蛋糕然之後埋單。你同我講入邊個同事搞錯咗，因為佢係part time咁係咪即係代表你間餐廳覺得咁樣冇問題？比個炒散搞錯咗點咗個客出嚟自己埋單自己揀蛋糕，仲要俾個收銀態度惡劣對待
2 瀏覽
0 讚好
0 留言
張貼
