炑八韓烤 (青衣城1)

營業中

休息中

今晚路過見到佢餐牌有四八折，當時冇乜人，諗住幫襯佢啦， 7:03落單，佢話30至40分鐘有得攞，諗住行開一陣，半小時返嚟攞啦，點知返去嘅時候，已經對滿晒人，有啲丑號先過我，有啲遲過我，但係一而再再二三俾外賣公司Deliverxx, fxxdpanda嘅單做先！當時只係7:30 ，諗住佢話要30至40分鐘，咪乖乖地喺度等囉，點知越等越唔對路，去到7:45 ，我問佢有得攞未，佢話啲雞要炸咗先有，不過我睇到嘅係嗰啲外賣公司嘅單不斷上好多好多盒炸雞，最後到8:00 ，我忍唔住要大聲鬧佢地先至肯做我張單先！等咗成一個鐘，大人可以，小朋友頂唔順！仲要花時間返屋企先有得食，激死！如果你做唔到好趕嘅時間，你不如話俾我哋知你要一個鐘頭，我咪唔幫襯你囉，仲有我知道你地要做咗啲外賣公司嘅單先，但係街客都係客，你咁樣做令到大家以後都唔會再幫襯你，你淨係做嗰啲客啦！