影片
更多
2021-11-26
112 瀏覽
旺角實在太多好嘢食，行咗一陣見到HeSheIt。知道佢好出名，但係從來未食過。見到佢舖面好清靜，唔使等位就入去試下。研究咗個餐牌一陣，打算落單係咁舉手叫店員，舉咗半分鐘都冇人理，兩個店員其實喺度篤手機，全程低頭，冇理過啲客人。 服務質素麻麻地。 牛扒晚餐 配薯菜侍應問牛扒要幾成熟，叫咗七成。以為牛扒會有一定厚度。嚟到嘅時候極度失望，似茶記嘅牛扒厚度，好似普通薄切午餐肉嘅厚度。不過我都幾佩服個廚師，咁薄都可以真係煎到七成熟，唔算有肉汁，有啲鞋可能太薄身。薯條係外脆內軟，不過放一陣就好快軟哂，唔脆。沙律菜就麻麻地，唔係好新鮮，有啲霉。 燒春雞配薯仔沙律春雞賣相幾靚，幾吸引。雞髀嘅肉係正常嘅，但係個雞胸嚡到不得了，煮得過熟，有啲失望。 薯仔沙律裡面有啲青瓜、洋蔥、薯仔粒，增添口感。 燕麥乳酪奶昔上網見到好多好評，於是叫了呢杯。第一啖飲落去竟然有冰粒，奶昔係會有冰粒的嗎？是我太無知，不是沙冰才有冰粒嗎？從來未飲過奶昔會有冰粒。除咗第一啖之外，連最尾個啖都仲係有冰粒嘅。杯奶昔變得唔夠滑，味道又偏甜，又有少少酸味，應該係乳酪嘅酸味。食咗三樣嘢，冇一樣覺得係好好食，不會再來。而且員工嘅質素真係麻麻地
研究咗個餐牌一陣，打算落單係咁舉手叫店員，舉咗半分鐘都冇人理，兩個店員其實喺度篤手機，全程低頭，冇理過啲客人。 服務質素麻麻地。
牛扒晚餐 配薯菜
侍應問牛扒要幾成熟，叫咗七成。以為牛扒會有一定厚度。嚟到嘅時候極度失望，似茶記嘅牛扒厚度，好似普通薄切午餐肉嘅厚度。
不過我都幾佩服個廚師，咁薄都可以真係煎到七成熟，唔算有肉汁，有啲鞋可能太薄身。薯條係外脆內軟，不過放一陣就好快軟哂，唔脆。沙律菜就麻麻地，唔係好新鮮，有啲霉。
燒春雞配薯仔沙律
春雞賣相幾靚，幾吸引。雞髀嘅肉係正常嘅，但係個雞胸嚡到不得了，煮得過熟，有啲失望。 薯仔沙律裡面有啲青瓜、洋蔥、薯仔粒，增添口感。
燕麥乳酪奶昔
上網見到好多好評，於是叫了呢杯。第一啖飲落去竟然有冰粒，奶昔係會有冰粒的嗎？是我太無知，不是沙冰才有冰粒嗎？從來未飲過奶昔會有冰粒。除咗第一啖之外，連最尾個啖都仲係有冰粒嘅。杯奶昔變得唔夠滑，味道又偏甜，又有少少酸味，應該係乳酪嘅酸味。
食咗三樣嘢，冇一樣覺得係好好食，不會再來。
而且員工嘅質素真係麻麻地，需要再培訓。
環境也已經好舊，條樓梯溶溶爛爛咁。
張貼
