品越越式料理 (雅蘭中心) (已結業)

同同事慶祝升職，心情相當興奮。最近想試一試越南菜，所以決定去咗呢一間。餐廳既食物選擇都幾多，一睇到menu都嚇左一跳，因為有好多平時未試過嘅越南菜，搞到忍唔住手叫到成枱都係餸。首先最令我印象深刻一定係牛油雞翼，佢係我食過最香牛油味同埋皮薄嘅雞翼，咬開入面幼嫩嘅雞肉同香脆外皮融合埋一齊，味道一定岩香港人口味!另外就係咖喱軟殼蟹鍋，佢炸到非常香脆，再配合埋咖哩汁真係一個冇得輸嘅組合!千祈要記得食佢個蒜蓉飽，點完咖哩食真係10000000分!我地都有叫到香芒軟殼蟹米紙卷，層米紙煙煙unun，軟殼蟹脆卜卜，芒果軟林林~好正啊~~最後，食到幾飽都要食埋呢個法式焦糖燉蛋先叫圓滿。即叫即燒既焦糖糖衣夠香脆，燉蛋又濃又滑，入口超creamy，食落亦好實在! 另外我地仲叫咗香芒黑糯米，咬落去黑糯米黏度剛好，芒果新鮮夠甜，勁力推介喔~值得一提既係侍應服務態度十分好，見到我地碟上裝滿哂骨頭同殼都立刻過嚟幫手換新碟，又對我地有禮貌，成餐飯都叫食得幾開心架!