影片
更多
2023-10-18
54 瀏覽
朋友有frd嚟呢間Bingo & Cook食飯打卡，見到相入面餐廳嘅布帳馬車設計同睇韓劇生活情節見到嘅一樣，而且去韓國旅行時未有機會去呢類食肆打卡，於是拉埋我陪佢去食呢間餐廳。雖然餐廳位於尖沙咀鬧市，但係所在小型商場唔係太顯眼，要落足眼力搵一搵。一嚟到餐廳，見到木枱、抽氣系統，成件事就已經好「韓國」。昏黃偏暗嘅環境增加咗氣氛，彩色圖騰地磚令成間餐廳嘅感覺加添格調！橫過餐廳，就到咗布帳馬車設計嘅另一個部份，由於同朋友好早過嚟食飯，未有其他顧客，打卡布帳馬車場景用咗唔少時間，店員都完全無催趕。好想食50 cm海鮮鍋，原來要返去主要餐廳座位坐。✔ 50cm 韓式海鮮鍋(少辣)$380半米長嘅鐵鍋好吸睛，入面放滿鮑魚、青口、魷魚、蝦、蟹等，絕不欺場，成個鍋用上兩個Gas爐滾熱湯汁，個湯汁辣味溫和又開胃，而家天氣涼涼地飲真係好正！✔海鮮煎餅$148睇到網上評論有人話呢度嘅海鮮煎餅係佢食過最好食嘅，咁要試吓！估唔到望落去簡簡單單嘅海鮮煎餅味道一啲都唔簡單，韮菜、蔥末、紅椒絲、魷魚、麵餅，加埋一齊異常具口感，味道豐富可口，醮上沾醬食落口，提味又減低熱氣感！✔甜辣炸雞＋香腸年糕串(半份)$140甜辣平
一嚟到餐廳，見到木枱、抽氣系統，成件事就已經好「韓國」。昏黃偏暗嘅環境增加咗氣氛，彩色圖騰地磚令成間餐廳嘅感覺加添格調！橫過餐廳，就到咗布帳馬車設計嘅另一個部份，由於同朋友好早過嚟食飯，未有其他顧客，打卡布帳馬車場景用咗唔少時間，店員都完全無催趕。好想食50 cm海鮮鍋，原來要返去主要餐廳座位坐。
✔ 50cm 韓式海鮮鍋(少辣)$380
半米長嘅鐵鍋好吸睛，入面放滿鮑魚、青口、魷魚、蝦、蟹等，絕不欺場，成個鍋用上兩個Gas爐滾熱湯汁，個湯汁辣味溫和又開胃，而家天氣涼涼地飲真係好正！
✔海鮮煎餅$148
睇到網上評論有人話呢度嘅海鮮煎餅係佢食過最好食嘅，咁要試吓！估唔到望落去簡簡單單嘅海鮮煎餅味道一啲都唔簡單，韮菜、蔥末、紅椒絲、魷魚、麵餅，加埋一齊異常具口感，味道豐富可口，醮上沾醬食落口，提味又減低熱氣感！
✔甜辣炸雞＋香腸年糕串(半份)$140
甜辣平衡，醬汁有甜美的蜜糖風味，又有一定程度的辣味刺激，高溫下炸至金黃的酥脆外皮與濕潤多汁雞肉形成對比！糯米糕塊質地Q彈有嚼勁，烤炙香脆，焦糖化外皮有薄脆口感，配上香腸又增加咗食物多樣性。整個年糕腸仔串有一層甜薄糖衣包裹，再用上燒烤醬汁，風味十足。
✔生力啤(Half pint)$54
「啤酒、炸雞」「啤酒、炸雞」係個腦浮現，今晚食炸雞，所以要配啤酒，啤酒一上嘅時候有層厚厚嘅泡，啖啖落口，解氣又解渴，仲為忙碌嘅生活解埋壓添！
張貼
