牧羊少年咖啡館 (雅蘭中心)

營業中

休息中

未黎過雅蘭分店，幸好上網卜定枱唔洗等，店員安排坐窗邊卡座，感到開心。用餐限時1小時45分鐘，食下傾下都唔算趕。 明太子鳳尾蝦意大利粉 $118意粉掛滿忌廉汁，主要配料有明太子、鳳尾蝦及日式魚片，蝦球大隻爽口，整體味道不錯，唯份量唔算多，3人分享每人可以分到少少。 千鳥香芒牛油果雞肉薄餅 $138批底中等厚薄，咬落煙韌都幾好食，但個人還是比較喜愛薄脆批邊，餡料有滿滿的千島醬及芝士，批面舖滿芒果、牛油果及蕃茄，但好似唔多覺有雞肉，唔知係咪漏左定溶化了在醬料中。 酸忌廉蕃薯條 $68呢個極度推介，條條熱辣辣脆卜卜，正宗外脆內軟，配有酸忌廉及茄汁，份量好多足，3人分享都唔會爭食。 韓式辣汁雞翼雞翼好大隻，醬汁好濃掛滿成隻雞翼，啖啖肉又啖啖韓式醬汁，望落以為好辣，但食落係甜辣，超yummy，又一推介之選。 自家調製鳳梨lemonade $48自家調製薄荷lemonade $48 2杯飲落好清新感覺，帶有酸酸甜甜的口感。