影片
更多
2023-03-30
885 瀏覽
二人前，叫咗 $898 套餐，再加咗支 $490 Sake老實講，今時今日香港食靚燒肉仲要任食兩個鐘，佢哋嘅價錢算合理抵食。食物質素，肉類真係好高分，其他選項亦都係平均值以上。淨係講食嘢呢樣我會俾滿分。不如講返服務。當日係星期三，我哋7:30pm入座，餐廳只係得三分一有人。佢哋安排一張窗口枱俾我地，但張枱只得半張，座位成 L 形，其中一個位基本上好難掂到個爐，唯有換枱。男侍應 A 其實好 Attentive, 快手幫我地換咗枱，之後亦服務周到。食到 9:12pm, 侍應 B 話要截單，我哋都覺得無問題，但之後就開始嚟料！第一，未夠 9:30pm 就要趕我哋埋單，當時仍然有食物未上，甜品亦未上。我哋無諗住千幾蚊一位埋單會有太差待遇，就照埋單啦，點知埋完，侍應 B 就不停催我地交枱！當時其實只係 9:15pm, 我問佢，咁啲肉我係咪要生食？而且仲有甜品未上喎？佢無答我就行開咗。甜品結果係9:25pm 上，其間侍應A同B不停提醒我哋要交枱。我同朋友最後9:45pm 離開，餐廳仲有其他兩枱客人未走。我覺得餐廳如果有人等位要做下一轉，我會諒解，但我哋唔係最後一枱客，點解連少少 buffer ti
老實講，今時今日香港食靚燒肉仲要任食兩個鐘，佢哋嘅價錢算合理抵食。
食物質素，肉類真係好高分，其他選項亦都係平均值以上。淨係講食嘢呢樣我會俾滿分。
不如講返服務。
當日係星期三，我哋7:30pm入座，餐廳只係得三分一有人。佢哋安排一張窗口枱俾我地，但張枱只得半張，座位成 L 形，其中一個位基本上好難掂到個爐，唯有換枱。
男侍應 A 其實好 Attentive, 快手幫我地換咗枱，之後亦服務周到。
食到 9:12pm, 侍應 B 話要截單，我哋都覺得無問題，但之後就開始嚟料！第一，未夠 9:30pm 就要趕我哋埋單，當時仍然有食物未上，甜品亦未上。我哋無諗住千幾蚊一位埋單會有太差待遇，就照埋單啦，點知埋完，侍應 B 就不停催我地交枱！當時其實只係 9:15pm, 我問佢，咁啲肉我係咪要生食？而且仲有甜品未上喎？佢無答我就行開咗。甜品結果係9:25pm 上，其間侍應A同B不停提醒我哋要交枱。我同朋友最後9:45pm 離開，餐廳仲有其他兩枱客人未走。我覺得餐廳如果有人等位要做下一轉，我會諒解，但我哋唔係最後一枱客，點解連少少 buffer time 都唔可以俾客人？10pm 都未到喎？原本想俾 tip 侍應 A, 都因為咁樣慳返！
餐廳食物質素係重要，但如果連基本待客之道都欠奉嘅話，真係好難搵到回頭客。我希望我寫完呢篇食評餐廳會有進步，如果唔係就真係祝君好運。
9 瀏覽
2 讚好
0 留言
7 瀏覽
0 讚好
0 留言
12 瀏覽
0 讚好
0 留言
20 瀏覽
0 讚好
0 留言
張貼
