影片
更多
2020-01-09
2065 瀏覽
自助山呢個名對於香港人黎講一D都唔陌生, 我同老公都食過幾次, 不過對上一次已經係2年前, 難得去完AIA 玩完, 餓餓地就去自助山食番夠本.早2日老公打電話去book台, 記得初初自助山新開既時候真係要早幾個星期先BOOK到台, 宜家其實早1-2日, 唔係大時大節都無問題自助山係位於灣仔合和中心, 係以前旋轉餐廳既位, 所以需要係地下搭電梯上3樓, 之後再轉LIFT 上17樓, 到左17樓可以轉另一部可以望到外面景觀的LIFT 上56樓 (好似係….), 然後去到56樓再轉另一部LIFT 到62樓, 哈哈~真係好鬼麻煩整間自助山係會用龜速360度轉. 今次坐既位置正正係窗邊位, 之前2次都係坐入D. 點解我咁強調係窗邊位既原因係我地未試過, 但原來坐窗邊係真係會暈暈地=.=如果大家係容易暈車浪既話, 我強烈建議大家係BOOK台時要求唔好坐窗邊. 由於360度轉既時只係單向咁轉, 即係話一定有一位係坐緊倒頭位, 感覺其實仲辛苦, 基本上如果望出較外1-2分鐘, 真係會暈同唔舒服, 所以我地全程都無乜望過出面講番D 食物先, 我發現同我2年前黎食既食物無乜分別, 佢地唔似其他酒店自助餐咁
早2日老公打電話去book台, 記得初初自助山新開既時候真係要早幾個星期先BOOK到台, 宜家其實早1-2日, 唔係大時大節都無問題
自助山係位於灣仔合和中心, 係以前旋轉餐廳既位, 所以需要係地下搭電梯上3樓, 之後再轉LIFT 上17樓, 到左17樓可以轉另一部可以望到外面景觀的LIFT 上56樓 (好似係….), 然後去到56樓再轉另一部LIFT 到62樓, 哈哈~真係好鬼麻煩
整間自助山係會用龜速360度轉. 今次坐既位置正正係窗邊位, 之前2次都係坐入D. 點解我咁強調係窗邊位既原因係我地未試過, 但原來坐窗邊係真係會暈暈地=.=
如果大家係容易暈車浪既話, 我強烈建議大家係BOOK台時要求唔好坐窗邊. 由於360度轉既時只係單向咁轉, 即係話一定有一位係坐緊倒頭位, 感覺其實仲辛苦, 基本上如果望出較外1-2分鐘, 真係會暈同唔舒服, 所以我地全程都無乜望過出面
講番D 食物先, 我發現同我2年前黎食既食物無乜分別, 佢地唔似其他酒店自助餐咁定期會有D特別既菜色, 但佢地既種類我認為係全港自助餐中數一數二多的
佢地分左幾個區域, 冷盤區/燒烤區/中式點心區/粉麵區/刺身區/甜品區/西式區/印度區/中式區, 整體真係好多選擇, 呢點係無可否認的, 但同初初1-2次黎食既感覺真係唔同左好多, 可能真係因為無定期既特式野, 所以望到佢地既格局一D都唔陌生.
老實講, 佢地既點心真係好食, 燒賣大大粒, 仲有一盅盅花膠冬姑鮑魚, 無得輸!! 另外燒烤區有鵝肝, 無限任食, 佢地既刺身區6,7款, 帶子, 三文魚, 牡丹蝦好新鮮, 真心真係無野好挑剔, 侍應收碟速度好快，服務幾好。我地由7點食到9點幾，真係飽到反肚咁濟。
張貼
