影片
更多
2021-07-21
686 瀏覽
#黃店💛生日慶祝好地方！食物又好食！服務爆分！尼泊爾菜，雖然老闆個樣同食物款式都有啲似印度🤣🤣網上都好多人推介依間，食物款式相當多，店員好鬼熱情會推介菜式同你傾偈。我哋openrice bk枱寫咗慶祝生日，然後老闆送左蛋糕同幾shot俾我哋仲要播住生日歌，心意呢樣野先係最感動💛另外亦有啤酒同酒品可以叫😍環境相當有氣氛燈光偏暗，有少許酒吧風味。對面仲有間小酒窩印度餐廳，係呀哥開，所以依兩間菜式味道都一樣😇.生日小驚喜～一坐低就會送上薄脆，都幾脆口開胃嘅小食，伴有綠色醬但有少少薄荷嘅味，個人覺得偏牙膏就咁食反而仲好🤣另外亦有啤酒同酒品可以叫😍👓四季薄餅 Four Seasons Pizza $142Cajun spiced BBQ chicken, fresh spinach, roasted potato & mushroom topped with sweet chilli sauce & sour cream有辣味燒雞、菠菜烤馬鈴薯蘑菇。薄餅係薄底，脆餅質感唔係厚麵包底，不過亮點在於佢個甜辣醬汁同sour cream，好惹味特別！評分：7.5/10👓特色奶油雞butter chick
生日慶祝好地方！食物又好食！服務爆分！
尼泊爾菜，雖然老闆個樣同食物款式都有啲似印度🤣🤣網上都好多人推介依間，食物款式相當多，店員好鬼熱情會推介菜式同你傾偈。我哋openrice bk枱寫咗慶祝生日，然後老闆送左蛋糕同幾shot俾我哋仲要播住生日歌，心意呢樣野先係最感動💛
另外亦有啤酒同酒品可以叫😍環境相當有氣氛燈光偏暗，有少許酒吧風味。
對面仲有間小酒窩印度餐廳，係呀哥開，所以依兩間菜式味道都一樣😇
.
生日小驚喜～
一坐低就會送上薄脆，都幾脆口開胃嘅小食，伴有綠色醬但有少少薄荷嘅味，個人覺得偏牙膏就咁食反而仲好🤣
另外亦有啤酒同酒品可以叫😍
👓四季薄餅 Four Seasons Pizza $142Cajun spiced BBQ chicken, fresh spinach, roasted potato & mushroom topped with sweet chilli sauce & sour cream
有辣味燒雞、菠菜烤馬鈴薯蘑菇。薄餅係薄底，脆餅質感唔係厚麵包底，不過亮點在於佢個甜辣醬汁同sour cream，好惹味特別！
評分：7.5/10
👓特色奶油雞butter chicken $118招牌咖喱係最原始嘅款式，蕃茄奶油汁所以偏橙色，少少酸甜極輕微辣，重香料味，唔係咖喱汁嚟，係雞肉粒正常質感，味道特別整體唔錯
評分：8/10
👓Palak Paneer $108Cottage cheese Freshly Pureed Spinach, herbs and spices
屬於蔬菜系列，Palak係菠菜，Paneer係印度自製鄉村起士，顏色上的確有啲醜，不過味道同口感係幾有趣，唔係咖喱嘅味道似菠菜蓉又有忌廉汁，有一粒粒嘅芝士，識落亦明顯係芝士，不過稍微有少少dry因為當中冇任何肉。
評分：7/10
👓瑪沙拉羊 Lamb Masala $118甜椒蕃茄瑪沙拉醬汁，由多種香料混合，不過味道同奶油雞個醬汁差唔多都係偏酸甜，但佢明顯冇乜奶油冇咁香滑，羊肉都有羊味唔算話非常羶，同雞肉一樣好食，不過醬汁底就會奶油雞比較好。
評分：8/10
👓牛油烤餅 Butter Naan $32👓香蒜烤餅 Garlic Naan $32
質地未去到油鬆餅一絲絲酥脆，偏烤餅而焗到香脆焦色，份量都多。牛油原味比較好食，尤其沾埋咖喱；香蒜味係有蒜味不過覺得唔夠濃烈，同埋沾奶油雞汁比較搶味適宜單點。
評分：8/10
👓USA Baby Back Ribs Full$248 Half$158採用自家製bbq醬，但味道同平時出面大同小異。Full大約有16條，又炭燒香，肉質唔算乾柴，不過覺得唔算太多肉未有啖啖肉口感。仲有薯角伴碟😍
評分：7/10
👓香蒜辣椒蝦油大蒜意粉 $142橄欖油意粉配上香草等香料，都幾多蝦粒爽口，灑上黑椒粒，相對下呢個意粉冇咁漏因為佢冇忌廉汁，好食不過相對下稍為普通係個正常嘅意粉。
評分：7/10
張貼
