家嫂一家大小

營業中

休息中

之前去過旺角食晚餐兩次！第一次食物及服務都OK略嫌啲音樂嘈咗啲！第二次覺得差咗！朋友話尖沙咀開咗分店，而且服務同環境都比旺角好！咪去式吓佢嘅午餐（$258+10%兩小時）一入門口環境比旺角舒服無咁逼夾出奇地客人唔多開頭啲服務都算正常！食到刺身時職員開始催促我哋！開頭以為因要趕住上雞煲！點知原來佢趕住收轉盤！我哋座響度等咗十多分鐘雞煲先嚟！見海鮮拼盤冇鮑魚又冇扇貝問職員有冇鮑魚！佢又話海鮮拼盤有就有，無就無！因有朋友之前食過話之前都有！職員開頭冇理到！不過轉頭佢就話幫我哋問吓！點知跟住又冇下文！朋友見再問佢哋咁到底有冇鮑魚！職員又話應該冇點知又無啦啦上咗4隻鮑魚比我哋！食到一小時40分鐘職員問我哋last order仲有冇嘢加及餐包每人支雪條，問我哋要嘜味！朋友話都未食完火鍋可否遲啲先叫雪條！職員冷淡地說last order要就現在叫！最後雪雪條同火鍋料同時間上比我哋！然後冇耐就有職員不斷同我哋講你哋夠鐘！好似趕住收我哋枱上食物我咪奇怪地問佢地我單都未埋點解趕住趕我哋走？職員才即時去取單比我哋埋！其實last order后我哋都冇再落order!而且全店一半客都冇，唔明點解要不斷趕我哋走