賓墟冰室

營業中

休息中

放工懶煮飯，之前成日都經過呢間街坊小店，今日就試試佢。入到去發覺食客人頭湧湧，比想像中多人,  我地搵左個卡位坐低。環境: 餐廳主要係4人卡位, 中間走廊闊落, 空間感好足夠。食物: 叫左晚市二人套餐，$160可以嚮ABC類裡面自選小菜，仲包生菜同野飲，睇落唔錯。清清地叫左個豉汁蒸白鱔，估唔到唔出奇地好味！白鱔上面佈滿咗蔥、紅椒、豉汁，帶出左白鱔的鮮味，旁邊的豆卜索左豉汁，亦都非常好味另外叫左個香蔥鮑魚滑雞煲，雞的份量都頗多，而且有三隻鮑魚仔，名副其實的真材實料。香蔥雞汁整得好好味。飲品: 我叫左個熱奶茶, 奶茶入口有順滑的口感, 入口有香濃的茶味與奶香。呢間街坊小店有驚喜，可以得閒再嚟encore。