賓墟冰室

營業中

休息中

呢排成日過嚟青衣搵嘢食，不過就多數嚟食晚飯，咁啱今日一早過來，本來想去長發嗰邊食茶餐廳。點知架巴士就停咗喺灝景灣落，但費事行返轉頭，就係呢度食。唔多人但炸野味幾重。其實好想試佢個沙嗲牛，但雞扒同嗲牛一樣價，又費事問佢可唔可以加錢加一樣野，咁都係揀雞扒。先試下塊多士，有甜味真係好少有，突然想起以前會牛油多士口沙糖食，就得嗰種feel。個米粉又大碗、湯底又有味，同埋食落去唔係嗰d「新式」米粉，好食好多。雞扒雖然塊皮唔脆，但係塊雞扒好熱又大塊又厚真係好鬼滿足。－早開左個靚頭，心情都特別開心！

最近真係有啲失望，之前好鍾意去嗰間餐廳，但近幾個月水準明顯下降。早餐嗰陣，啲麵包本來都幾好，最近食完唔單止唔新鮮，仲有種怪怪嘅感覺，食完之後個胃都唔係好舒服，真係唔知發生咩事。中午嘅時候，啲飯量係多，但啲餸菜真係超鹹，食幾口就覺得唔想再食。品質又差，啲肉質真係唔夠新鮮，食起上嚟好像有啲味道好奇怪。最慘係，下午茶同埋晚餐都冇改善，感覺一切都係用咗劣質食材，真係令人失望。而且，夥記嘅態度越嚟越差，之前最少都會有啲笑容，依家好似隨便咁，有時甚至要自己去叫佢哋，感覺好 hea。唔知係咪換咗廚房，定還是管理上有問題？總之，依家去食飯已經唔再有以前嗰種享受，實在有啲唔開心，希望佢哋可以改善返，唔好再咁下去。

鐵板西冷牛扒 配 薯條（$55）本來諗住下午茶餐唔會多，但上枱見到份量著實不少。首先薯條一大碗分開放，唔怕放係鐵板好快會腍，粗身波浪薯條外脆內粉，掂。牛扒雖然唔係什麼高級貨，但肉質可以，唔會韌柴柴，肉味就無乜，點蒜蓉汁一齊食都OK。另外仲有車厘茄、西藩花、粟米、椰菜，十分豐富。如此價錢，真係抵食。星洲炒米（$44）炒嘢有分大細揀，大嘅用大圓碟，細嘅用方平碟。大嘅份量十分足，星洲炒米炒得夠乾身，有啲鑊氣，配料有蝦仁、火腿、叉燒、蛋絲、韭菜、芽菜、洋蔥、青蔥，味道香濃但欠少少辣度。乾炒牛河（$37）雖然係細，但份量以下午茶餐來說都唔少，牛肉至少都有五六片，乾炒牛河炒得更有鑊氣，河粉唔會痴埋一齊，條條都上哂色，味道亦夠，加埋辣醬食一流。西式炒飯（$37）炒飯飯粒分明，配料有蝦仁、火腿、香腸、三色豆，茄汁微酸帶甜，味道合格。

今晚同屋企人嚟食晚市小菜，平日見佢都尚算有啲客人，諗住OK，但真係冇諗過可以咁難食，係七個餸七個都咁難食。白飯完全係硬嘅，食咗兩啖即刻胃痛。蒸肉餅同例湯咸到腎病，蝦仁炒蛋個蝦就完全冇味，蕃茄紅衫魚好似咬緊蔗咁，雜菜煲嘅魷魚、魚塊、菜全部食唔出係咩味，中式牛柳同泰式豬頸肉用刀都切唔開咁切嘅韌度⋯⋯咁都夠膽死做餐廳，唔怪得香港冇人留港食飯啦！甜品入得嚟茶餐廳食晚飯預咗唔係酒樓嘅質素，但真係冇諗過可以咁難食。環境已經唔算乾淨，枱凳都係抹到張紙巾黑色。我哋話叫蒸䱽魚嘅時候，侍應話冇，淨係得返蕃茄煮紅衫魚，食到大半我哋見到隔籬枱出咗條蒸䱽魚，我大嗌咗一聲：「點解會有䱽魚？」之後就再冇一個侍應經過我哋張枱，全部兜路走。

最近我訂了福建炒飯外賣，對這道菜其實抱有很高的期待，因為這間餐廳的評價一直都不錯。不過，當我收到餐點時，卻感到非常失望。炒飯的配料大部分都是火腿，甚至還有鳴門卷，這讓我覺得與傳統的福建炒飯差距甚大。而且最令人困惑的是，裡面竟然完全沒有冬菇，這在我印象中的福建炒飯裡是不可或缺的元素。整體來說，味道實在讓人難以下嚥。另外，我還點了豬扒炒意粉。這道菜的豬扒只有三塊薄薄的小片，讓人覺得非常不夠，味道也只是一般，並沒有給我驚喜感。整體用餐體驗並不理想，與我對這家餐廳的期待相差甚遠，真心不推薦這兩道菜。如果你在尋找好吃的福建炒飯，建議還是另尋他處。希望餐廳能在未來改善菜品的質量，讓顧客能夠享受到真正的美味。

#鼠尾草食飲玩 #sagefoodiehk冰室🇭🇰 × 平價😍 × 全餐😋喺香港想30幾蚊食一個全餐，原來都唔係冇可能🥰！青衣嘅街坊推介嚟呢間青衣城附近嘅冰室小店，朝頭早嚟到好熱鬧，而且重點係價錢超級逆市🥹。招牌沙嗲牛肉麵醬汁夠香口，滑牛口感都幾好😋。配埋嘅炒滑蛋同埋腸仔都啱啱好火候。煎雞扒麵大大份夠滿足，雞扒肉質都唔錯🤤。配埋流心太陽蛋、午餐肉、多士夠晒飽。💰 招牌沙嗲牛肉麵($38)💰 煎雞扒麵($42)

好耐冇去青衣，今日難得同老公嚟到，梗係要四圍行下。同埋搵個地方食嘢，見到附近有間「賓墟冰室」，就入去試下。重量級香煎紐西蘭牛柳配意大利粉（黑椒汁) $89上枱有驚喜，非常大塊，我叫咗5成熟，牛柳煎得啱啱好，牛味好重，口感亦非常柔軟嫩滑，配菜份量好多，黑椒汁配上意大利粉更好食。凍杏仁霜（跟餐+$3)杏仁霜味道突出，好飲。乾炒豬扒公仔麵 $46豬扒炸粉厚度適中，皮脆肉嫩，公仔麵炒得夠乾身，非常惹味。凍咖啡紅豆（跟餐+$10)咖啡味道濃郁，加埋軟綿綿嘅紅豆，份量又多，入口甜度適中，好岩夏天飲。總結餐廳空間寬敞，座位舒適，有卡位亦有圓枱，啱曬朋友和家人聚會。員工友善主動，呢度食物質素同份量都好多，價錢嚟講都幾抵食。📍賓墟冰室青衣牙鷹洲街8號灝景灣商場地下1號舖

☕️港式正宗茶餐廳風味🫖-最近又去朋友屋企玩 所以約埋佢喺附近嘅賓墟冰室嘆個道地港式茶餐廳下午茶先🤝-🥪公司三文治 茶餐 配薯條 $47茶餐又點少得必點嘅「公司三文治」🥖三文治個餡料超級豐富 除咗有醬汁滿瀉嘅吞拿魚沙律外 仲有香濃嘅炒蛋同煎到好脆口嘅午餐肉 口感層次真係好豐富😎 另外仲有得配粗薯條🍟 薯條炸得好酥脆 正呀😛-🍋凍檸茶另一個港式茶記名物當然係凍檸茶啦🍹佢酸甜適中 用上咗真檸檬片沖成 而且茶底都好濃 凍冰冰咁好啱呢個夏天清涼解渴-📍賓墟冰室 (青衣)青衣牙鷹洲街8號灝景灣商場地下1號舖

今晚返老家探父母，帶了他們去一間以港式80年代為主題的茶餐廳食鐵板餐，牆上掛住好多70至80年代用來宣傳的廣告單張，等他們回憶及懷緬兒時的香港。鐵板餐有好多選擇，性價比高。我哋選了牛扒同雞扒鐵板餐。重量級香煎紐西蘭牛柳在鐵板煎熟後，肉質鮮嫩如絲般柔滑。醬料濃郁，恰到好處。沒有過於濃烈，也不乏味。鐵板烹調賦予牛肉獨特的香氣和口感，牛肉外表呈現誘人的焦香，內裏則保持著嫩滑多汁的特質。配上精心烹飪的西蘭花，形成了美味絕倫的搭配。整體口感層次豐富，既有肉質的柔軟，又有醬汁的鮮香，令人回味無窮。這道菜無疑是紐西蘭優質牛肉的完美展現，強烈推薦給所有喜愛牛扒的食客。巨人雞髀扒拼蒜蓉焗青口（蒜蓉汁）鐵板上滋滋作響的雞扒，外皮煎到金黃色，肉質非常鮮嫩，咀嚼間噴發出陣陣雞肉香氣。蒜蓉焗青口則鮮甜多汁，肉質飽滿彈牙。兩款菜品搭配天衣無縫，相輔相成。最關鍵的是蒜蓉汁，濃郁四溢的蒜香與青口的海鮮鮮味完美融合，為整道菜增添了無窮魅力。每一口都能感受到食材本身的美味，無論是喜歡雞肉還是青口的食客，都會愛上。凍紅豆咖啡/凍檸蜜這款紅豆咖啡香氣撲鼻，香濃醇厚。紅豆的甜味與咖啡的苦味恰到好處地融合在一起。豐富的口感層次，

今日由沖繩返到香港到達時間已經六點過左下午茶時間於是我提早食晚餐賓墟的晚餐有小菜同套餐睇到餐牌有新菜式抱住中伏的心態去叫酸菜魚$128包埋白飯同飲品酸菜魚湯底微酸，好開胃辣度係BB辣食唔到辣又想食酸菜魚既就岩晒魚肉無骨，好爽脆以爽口木耳同窩荀做配菜底層滿舖粉絲索晒湯汁送飯一流香煎土魷肉飯$78肉餅煎得香脆調味比較濃可以一啖飯一啖肉餅交替肉餅有6塊份量多加左$12飲招牌紅豆咖啡紅豆粒粒鬆化咖啡香濃離開左香港一星期非常掛住香港的小菜

今日朝早返公司做埋啲手尾， 跟住就趕住接囡囡去學興趣班， 之後先至有時間坐低食野，所以近近地揀咗附近間茶餐廳，快靚正.本身諗住叫下午茶，$3x -個餐， 不過因為我未食中午飯， 怕唔夠食， 所以叫咗個常餐， 好肚餓， 我全部食晒， 份量算多， 食完都夠飽.沙嗲牛肉通： 大碗， 牛肉都唔少， 沙嗲味濃， 唔錯多士+ 炒旦+ 火腿：即整， 上枱熱辣辣， 炒旦好滑， 唔會過熟熱咖啡；唔太甜， 咖啡味都香， 提神醒必叫價錢合理， 叫完好快有得食， 食物環境衞生都ok

老豆都係鐘意食茶記，今日好開心回娘家同老豆食個簡單便飯，呢間賓墟冰室立足多年，依舊好多街坊棒場，如果經過青衣站，可以行多數分鐘，試下呢間地道港式茶餐廳，真心唔錯架公司三文治配薯條🥪🍟餡料超豐富，絶不馬虎，烘底麵包中間夾著多款餡料，生菜、蕃茄、芝士、火腿、餐肉和炒滑蛋，配埋沙律醬，厚厚的層層疊真係非常滿足枝竹班腩飯🍚男人的浪漫，老豆最愛之作，枝竹吸盡醬汁和火腩的精華，火腩炆到好腍好香，實在當之無愧凍檸檬茶🥤新鮮檸檬配上濃厚紅茶，飲到檸檬嘅酸，飲到茶味嘅甘，好讚熱奶茶☕奶茶望落幾厚身，喝起來奶味香濃，入口絲滑同埋絕不苦澀，仲有少少回甘，又係男人最愛的茶呢間茶餐廳大家可以找個時間去試，質量和口味都能令人回味同滿意😋📍賓墟冰室🉐青衣牙鷹洲街8號灝景灣商場地下1號舖#香港美食 #香港好去處 #香港茶餐廳 #青衣城 #青衣賓墟 #青衣美食 #男人的浪漫 #美食推介 #美食推薦

放工懶煮飯，之前成日都經過呢間街坊小店，今日就試試佢。入到去發覺食客人頭湧湧，比想像中多人,  我地搵左個卡位坐低。環境: 餐廳主要係4人卡位, 中間走廊闊落, 空間感好足夠。食物: 叫左晚市二人套餐，$160可以嚮ABC類裡面自選小菜，仲包生菜同野飲，睇落唔錯。清清地叫左個豉汁蒸白鱔，估唔到唔出奇地好味！白鱔上面佈滿咗蔥、紅椒、豉汁，帶出左白鱔的鮮味，旁邊的豆卜索左豉汁，亦都非常好味另外叫左個香蔥鮑魚滑雞煲，雞的份量都頗多，而且有三隻鮑魚仔，名副其實的真材實料。香蔥雞汁整得好好味。飲品: 我叫左個熱奶茶, 奶茶入口有順滑的口感, 入口有香濃的茶味與奶香。呢間街坊小店有驚喜，可以得閒再嚟encore。

【青衣•賓墟餐廳】@ππππππππππππππππππππππππππππππ青衣性價比高嘅港式茶餐廳香煎美國西冷牛扒配意粉霸王雞飯凍朱古力及紅豆冰餐廳的香煎美國西冷牛扒配意粉讓人垂涎欲滴。牛扒烹調得剛剛好，外酥內嫩，散發著誘人的香氣。搭配的意粉則是彈牙十足，融合了美妙的醬汁，讓整個菜餚更加豐富多樣。霸王雞飯，一道經典的料理。雞肉鮮嫩多汁，配上香氣四溢的飯，滿足了溫暖和口味上的需要。這道菜無論在視覺還是味覺上都讓人心滿意足。最後是凍朱古力及紅豆冰，清涼可口，給人一絲絲甜蜜的享受。朱古力的濃郁與紅豆冰的清爽形成了完美的對比，讓人滿載而歸。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 150✨✨✨✨✨✨✨✨✨✨✨✨✨#青衣美食 #賓墟冰室 #web3青衣 #香港茶餐廳 #賓墟餐廳 #賓墟冰室賓墟冰室青衣牙鷹洲街8號灝景灣商場地下1號舖

今日去咗青衣既賓墟冰室，佢既位置好方便，位於青衣城同長安村中間既灝景灣，所以午市既時候都見唔少人幫襯。入到去我地叫咗芝士焗葡汁雞球飯同芝士肉醬焗豬扒意粉。首先黎咗既係凍檸蜜同凍檸茶，杯凍擰茶做得出色，茶底一流，檸檬新鮮。跟住黎左個芝士肉醬焗豬扒意粉，睇得出豬扒個量唔少，啖啖肉，如果肉醬有再多啲比我撈意粉就更好啦。最後黎咗個芝士焗葡汁雞球飯，今次呢個啲汁好多，撈飯一流，而且個雞球啲肉都好嫩滑。呢度除咗焗嘢之外，仲有好多選擇，例如炒粉麵飯、小菜等，下次有機會要再黎嗌其他嘢食。