天后串燒餐廳

營業中

休息中

千祈唔好幫襯呢間餐廳，我特登要開Account去投訴呢間嘢，就知道幾嚴重。諗住冇乜人，又靜靜地，見過侍應婆婆不斷投訴個老闆，所以可憐佢就幫襯下佢。最後明白點解呢間嘢冇乜人，發誓以後唔會再幫襯佢。如果呢間所謂嘅餐廳冇心做，不如讓過位比其他有心嘅餐廳做。一坐低嘅時候，冇講過兩個人要最低消費；但到最後要迫我哋比最低消費。從來冇食過有魚腥味嘅毛豆；亦會俾錢嗰陣時候俾人鬧。餐飯一個人俾咗二百幾蚊，都唔滿意要俾人鬧，叫我哋以後唔好返嚟。我想講；間餐廳根本就冇乜人。呢間嘢就算送嘢食，我都唔會再幫襯。完。