荳子 (馬鞍山廣場) (已結業)

和家人晚上6點15分去到，幸好即時有位，過了6點45分後，就要排隊等了。位置舒適闊落，適合長時間作戰。侍應友善有禮，落單過程順利。黑松露軟殼蟹意粉實爲必食之選，即使有醬汁，軟殼蟹依然保持外脆內軟，與醬汁配搭非常夾，只是份量有點少。德國燒豬手就燒得皮脆，肉有小乾。帆立貝薄餅有驚喜，未食只是覺得普通，但食完覺得完勝所有pizza hut既pizza，其餅底厚度適中，帶脆，口感一流。芝士薯條就不過不失，薯條與芝士接觸，小林都係應該。最後，紅茶流心西多，其吐司非常香脆，再配合中間流心醬和雪糕一齊食，冷熱交融，口感非常。總括來說，一間好味而會回頭番食的cafe。