影片
更多
2024-10-16
315 瀏覽
今日同屋企人一行五人接近中午到訪早茶優惠到11:59止，問樓面計入單定離座，佢話入單計，不過茶錢就以離座計有兩張點心紙都有早茶優惠，樓面見我入一張，好心提醒仲有另一張都有優惠，我示意冇心水點心隔咗5分鐘，大約11:55樓面再好心提醒睇我有冇嘢要加，勁貼心-點咗早茶點心孖寶$44.8，一個鱆魚肉餅飯拼叉燒腸，叉燒腸皮好滑有米漿味，唔會太濕，叉燒夾埋芫茜質素唔錯另外叫咗一個點心拼盤$33.8，有5款點心各1件，分別係蝦餃、素餃、菜苗餃、粉果同叉燒包，屋企人大讚素餃、粉果同菜苗餃都有質素，至於叉燒包同蝦餃我就冇問到-仲有午市套餐，2款點心拼1-4款自選小食/小菜/燒味/粉麵飯，我哋揀咗4款，分別係叉燒、蝦仁炒蛋、菜遠牛肉同雪菜火鴨絲炆米，除咗叉燒，全部標明係迷你，但係嚟到碟頭絕對唔算迷你；點心就揀咗菜苗餃同南乳豬手菜苗餃最終原來漏咗單，南乳豬手炆得夠腍又入味，份量仲好夠叉燒排得整齊，脂肪比例低所以偏少少乾柴，有嚼勁，淡淡蜜汁香未算好入味，屬合格水平蝦仁炒蛋份量好夠，炒蛋好香夠嫩又唔油，蝦仁鮮爽，非常有質素！菜遠牛肉選用菜心苗，仲擇走咗菜花，翠綠夠嫩炒得爽口，牛肉好大片，口感爽滑仲有少少牛肉香
早茶優惠到11:59止，問樓面計入單定離座，佢話入單計，不過茶錢就以離座計
有兩張點心紙都有早茶優惠，樓面見我入一張，好心提醒仲有另一張都有優惠，我示意冇心水點心
隔咗5分鐘，大約11:55樓面再好心提醒睇我有冇嘢要加，勁貼心
-
點咗早茶點心孖寶$44.8，一個鱆魚肉餅飯拼叉燒腸，叉燒腸皮好滑有米漿味，唔會太濕，叉燒夾埋芫茜質素唔錯
另外叫咗一個點心拼盤$33.8，有5款點心各1件，分別係蝦餃、素餃、菜苗餃、粉果同叉燒包，屋企人大讚素餃、粉果同菜苗餃都有質素，至於叉燒包同蝦餃我就冇問到
-
仲有午市套餐，2款點心拼1-4款自選小食/小菜/燒味/粉麵飯，我哋揀咗4款，分別係叉燒、蝦仁炒蛋、菜遠牛肉同雪菜火鴨絲炆米，除咗叉燒，全部標明係迷你，但係嚟到碟頭絕對唔算迷你；點心就揀咗菜苗餃同南乳豬手
菜苗餃最終原來漏咗單，南乳豬手炆得夠腍又入味，份量仲好夠
叉燒排得整齊，脂肪比例低所以偏少少乾柴，有嚼勁，淡淡蜜汁香未算好入味，屬合格水平
蝦仁炒蛋份量好夠，炒蛋好香夠嫩又唔油，蝦仁鮮爽，非常有質素！
菜遠牛肉選用菜心苗，仲擇走咗菜花，翠綠夠嫩炒得爽口，牛肉好大片，口感爽滑仲有少少牛肉香
雪菜火鴨絲炆米份量超多，味道唔錯，米粉夠爽，加咗芽菜同韭菜等配菜，鴨絲就略嫌偏"鞋"口
因為份量好多，最後要打包大半窩米粉同原盅蒸飯
接近食完嘢之際，見到有點心姐姐推豆腐花出嚟，就幫襯咗兩碗，每碗$22.8，未算好滑帶少少豆香，甜度都正常有薑味
-
茶位$13，收加一，埋單$602
埋單落到樓先發現原來菜苗餃冇嚟過，上返去同收銀講，收銀係完全冇覺得點解我埋單前/埋單果下唔講，反而走咗先返轉頭講
佢係即時問經理點處理，經理就好快咁問我當我食少一個豆腐花，退返錢俾我好唔好，最後退咗$25
成個流程令到我感覺好好，首先係佢哋嘅態度好友善，第二係佢哋好快就俾到解決方案，最後仲同我講唔好意思
其實就算佢話退唔到錢，叫我等佢地蒸俾我再打包走我都冇問題，不過佢哋選擇唔駛個客等，快速處理，真係勁加分
仲要午市4主食+2點心先300幾蚊，連埋早茶優惠，點咁多嘢都係600蚊左右，今時今日嚟講係好抵食，好推薦！
張貼