影片
更多
2019-12-17
781 瀏覽
黎到HAPPY FRIDAY，約左一班姊妹團聚兼慶生。天氣涼涼地，成為左打邉爐嘅最佳理由。7:30入座，當時已經近乎爆場；職員好忙，所以難免出現部分侍應扮見唔到客人舉手嘅情況…..我地一行7人，揀左每位$278嘅套餐，每位包生蝦、鮑魚、沙白、桶蠔、脆鯇片、手切肥牛、黑毛豬，另外再係55款配料中揀10款。如果食哂以上嘅食物都唔夠喉嘅話，到時可以每人加$50即可無限追加配料，又或者單點配料，夠哂彈性。7人有兩個湯底，分別揀左濃湯花膠鍋同埋四川麻辣鴨血鍋。兩款湯底都好夠味，前者花膠係普通貨，唔會”將”口，不過分量幾多；後者係重口味首選，好夠辣，不過麻就唔算重。套餐拼盤中嘅海鮮全部都用花膠湯底煮，但質素一般，食落無鮮甜感。蝦雖細但彈牙，桶蠔大隻少縮水。手切肥牛色澤水嫩，入口軟淋、幾有牛味，呢個正!! 黑毛豬肉質偏實偏鞋，豬味較淡。十款配料揀左肥牛雪花、手打墨魚滑、農場鮮雞件、手打蝦丸、特級長蟹柳、萵筍片、松露爵士丸、鮮魷魚、響鈴、脆鯇片。當中肥牛雪花非常肥，同手切肥牛相差好遠，完全唔係我杯茶…. 響鈴係必點，裡裡外外都好香脆，而且好長，一條嘅SIZE相等於坊間嘅兩條，既油膩又滿足。手打蝦丸牙又
我地一行7人，揀左每位$278嘅套餐，每位包生蝦、鮑魚、沙白、桶蠔、脆鯇片、手切肥牛、黑毛豬，另外再係55款配料中揀10款。如果食哂以上嘅食物都唔夠喉嘅話，到時可以每人加$50即可無限追加配料，又或者單點配料，夠哂彈性。7人有兩個湯底，分別揀左濃湯花膠鍋同埋四川麻辣鴨血鍋。兩款湯底都好夠味，前者花膠係普通貨，唔會”將”口，不過分量幾多；
後者係重口味首選，好夠辣，不過麻就唔算重。
套餐拼盤中嘅海鮮全部都用花膠湯底煮，但質素一般，食落無鮮甜感。
蝦雖細但彈牙，桶蠔大隻少縮水。
手切牛
11 瀏覽
0 讚好
0 留言
手切肥牛色澤水嫩，入口軟淋、幾有牛味，呢個正!!
黑毛豬肉質偏實偏鞋，豬味較淡。
十款配料揀左肥牛雪花、手打墨魚滑、農場鮮雞件、手打蝦丸、特級長蟹柳、萵筍片、松露爵士丸、鮮魷魚、響鈴、脆鯇片。
當中肥牛雪花非常肥，同手切肥牛相差好遠，完全唔係我杯茶….
響鈴係必點，裡裡外外都好香脆，而且好長，一條嘅SIZE相等於坊間嘅兩條，既油膩又滿足。
手打蝦丸
9 瀏覽
0 讚好
0 留言
手打蝦丸牙又有蝦味，可以一試。其他配料質素一般，無太大印象。
飲品任飲，自己到凍櫃拎好正常，但原來凍櫃嘅飲品唔係全部都拎得，有幾樣野會額外收費。餐廳又無分隔開，好易拎錯，如果真係拎錯左，都要硬食，呢個位我個人認為餐廳可以做好D。
張貼
