有料案內所 (井財街)

營業中

休息中

平日嘅晏晝嚟到，餐廳都有唔少人，果然係網上比較紅嘅餐廳，但食完令人覺得都係不外如是。首先舖頭非常之細，然後啲枱比較窄，佢係自己用QR code落單嘅，甜品類當然有好多啦，窩夫呀、嘢飲呀、pancake等等。另外仲有一啲熱食嘅，好似章魚燒之類。我哋叫咗一個伯爵茶嘅梳乎厘pancake﹐即使開到屯門區價格都唔平，~八十幾蚊一個，佢個碟好大但都係兩個細細嘅梳乎厘pancake. 先讚下佢嘅伯爵茶cream﹐非常好食！但同伴碟嘅芋圓、珍珠etc唔係好配合，我覺得佢根本可以將伴碟嘅嘢減少，然後收平啲。重點就係喺個pancake入面居然係仲有蛋殼嘅！！ 另外，間鋪頭嘅冷氣機滴水，我同waiter講，佢居然『哦』一聲，就冇再講嘢啦， 我同佢講話其實你明知道滴水嘅話，應該提醒我哋唔好坐呢張枱，因為當時餐廳係未坐滿嘅，我哋可以揀坐另一張枱，佢聽完就只係點頭。我覺得咁做生意嘅，一係賣外賣就算， 其實無謂做堂食啦。