有料案內所 (井財街)

營業中

休息中

呢間野bookmark咗好耐，終於有時間黎試，點知真係好伏😓食完覺得呢間餐廳有少少糟蹋咗啲食物。我地叫左個set,有兩款小食同一杯野飲，另外加多一份窩夫。 野飲個奶蓋勁奇怪，似用啲cream打起就算，冇加到Cream Cheese咁，茶同奶蓋完全分開兩樣野，mix唔到。章魚燒係一pat粉咁，口感好差炸雞軟骨係最正常，不過舊檸檬其中一面係乾嘅焦糖麻糬窩夫，一上枱聞到啲燶味，心知不妙，點知上面啲焦糖係燶咗嘅😖😖😖

🏆 窩夫勝出！雖然舖頭英文名叫Pancakes，但好食嘅係窩夫😂👀 點了：✨ 炙燒焦糖布甸麻糬窩夫套餐✨ 伯爵茶珍珠梳乎厘班戟套餐🥞 梳乎厘Pancake入口即溶，質感猶如棉花糖般柔軟，蛋香濃郁，但太漏，欠缺理想的輕盈感。芋圓夠彈牙，伯爵茶香氣悠然飄逸，但總覺得缺少了一點驚喜。🍴評分：7/10🧇 焦糖窩夫一切完美演繹——金黃酥脆的外皮，鬆軟煙韌的內心，每一口都滲出焦糖的甜美與奶油的細膩。配搭綠茶雪糕，清新淡雅，甜而不膩，簡直係味蕾的高級享受！✨ 評分：9.5/10🍵 奶蓋烏龍茶奶蓋如絲滑般溶於口中，微鹹的奶香襯托出烏龍茶的清幽茶韻，暖心又療癒，飲完彷彿被溫柔擁抱。🍶 評分：8.5/10✅ 總評本來以為係嚟試班戟，結果被窩夫收服！下次再來，試埋其他窩夫口味～😋 #窩夫才是主角 #焦糖窩夫的完美演出 ❤️

收工好想食甜品，就入咗去屯門井財街食呢間有料案內所之前嚟過好多次，都幾鍾意食佢嘅梳乎厘雖然唔算好平，但係質素唔錯今次叫咗個小丸子紅豆抹茶梳乎厘班戟 ($84)Menu本身寫咗製作時間至少20分鐘但我地都等咗至少半個鐘先上但市面上的即整嘅梳乎厘價錢都應該要過三位數呢度只係賣80幾蚊，我覺得好抵食手機落單嘅時候，仲會有好多選項俾你自己揀梳乎厘一如既往咁好食，好fluffy配埋凍嘅雪糕入口即溶，好好食敗筆係紅豆，好似浸左糖水，極假甜另外仲叫左個綜合涼粉 ($42)裏面除左有涼粉之外，仲有芋圓、紅豆、小丸子同珍珠味道唔錯，敗筆都係紅豆過甜😂埋單唔需要加一，只係$126坐就坐高凳，就一定唔係好舒服睇到好多評論都話呢間店員態度差眼見呢度都應該係請啲𡃁仔𡃁妹，part time返工，工作經驗唔夠所以都冇得要求咁多同埋自助落單，同佢地交流唔多只係一入嚟就會同你講，每人最少order一樣食品同埋有限時所以下次都係會為佢嘅梳乎厘班戟而嚟！

入去叫外賣後（嗌咗三樣嘢：大阪燒、餃子和炒麵），本身都有問服務員要等幾耐？佢話：「你出去等一陣吖。」令我以為好快啦。點知出咗幾個外賣都唔係俾我的，應該係外賣自取/其他外賣單。嗰陣過咗大約15分鐘。而今日特別熱，我和朋友們一齊在餐廳門外等咗20分鐘，其他人陸續來取外賣。我問服務員：「仲要幾耐？」佢答我仲爭個炒麵。之後又等多5分鐘，期間有另一位服務員返工，我見都等咗25分鐘，出面又熱，餐廳又坐唔滿，咪入去等，跟住俾佢叫我出！返！去！等！我心諗：有冇攪錯，我咪話，我已經等左差唔多半個鐘，你哋有服務員5分鐘前話個炒麵就得，出面咁熱可唔可以入來等一陣，佢就無再出聲，但係好似專登咁走過嚟抹枱。後嚟等到30分鐘，我話不如取消個炒麵啦，佢先出到俾我。到底發生咩事呀？我真係好想知。其實我和朋友同時去咗幾間舖頭叫外賣，案內所係最後而且最耐的。就係因為個炒麵！？其他食物被迫等了30分鐘以上（未計來回及返屋企的時間）才能拎返屋企被進食，其他食物也很可憐啊！如果要等咁耐不如你早啲同我講吖。佢哋好似好話之你咁。所以忍唔住瞓醒第二朝都要返嚟俾返個劣評！！！

自從幾年前第一次食有料案內所嘅炙燒焦糖布甸麻糬窩夫，佢就已經喺我心入面佔據咗一個位置，令到我一個九龍人每隔一段時間就會專登坐個幾鐘牛入屯門只為食一個甜品🐂最近一次食係臨近聖誕，應該因為係下午茶時間所以有得$60幾蚊跟餐嗌埋嘢飲，我嗌咗杯熱嘅奶蓋茶，奶蓋屬於比較濃厚鹹香，正正常常，玻璃杯係用雙層隔熱杯，細心位好加分都好打卡able 主角登場👑本體麻糬窩夫不同於坊間，普遍做法係普通窩夫漿中間放麻糬粒或者將麻糬放面，佢哋嘅窩夫本身就係一大舊麻糬‼️估計係喺窩夫漿入面加咗糯米粉等去做出煙韌口感，窩夫表面依然保留到微脆，呢種口感應該唔係個個都鍾意但係勁啱我呢個煙韌控💛💛💛窩夫本身冇乜調味單食比較寡，但係配埋淋面嘅布甸醬同埋炙燒焦糖之後甜度上大滿足‼️佢絕對唔係一個「唔係好甜」嘅甜品，但係加埋雪糕一齊食，冰火交融造就出我心心念念嘅完美組合❤️‍🔥不過呢次食有一樣嘢美中不足嘅，就係我貪得意雪糕揀咗廚房發辦，嚟咗士多啤梨味，勁難食😵‍💫浸味好怪唔識形容，覺得佢係污染咗我個甜品，有幾次我都想推走佢但係又覺得三樣嘢係缺一不可，所以千祈唔好嗌士多啤梨味，唔係就會學似我咁矛盾😵‍💫呢點真係愛之責責之切，強烈希望有料

本身舖頭已經細坐低 又唔舒服 個女店員好似一直啤住我哋咁 又黑晒面 甜品就不過不失 食咗個窩夫 唔算外脆內軟 但又唔會話差 但係真係使錢受氣 貼錢買難受 紅橋後面仲有幾間甜品舖 唔會再食有料

間野裝修幾靚，幾有日本風格。叫咗個涼粉都幾大碗，一碗其實可以兩個人食。但係叫左個Oreo疏乎厘，等左半個鐘，完全唔值得！店員唔識處理突發事情，態度一般。同埋側邊梳化位唔建議人坐？話係要拎嘢。

呢間久仰大名嘅屯門名物🤩今次特登山長水遠入嚟試！叫左個tiramisu麻薯窩夫，分量真係相當驚人‼️窩夫係偏軟冧冧個隻，口感煙un 🥰好滿足但大板燒就有d失望，好似食緊粉槳咁以後主打叫甜品就好

「點解唔加底仲貴過加底架？！」 估唔到周星馳電影入面嘅對白能夠在現實中，哩篇食評既重點不在於食物上，食物來說以這個價錢有這個質素是不錯的。今次重點在於餐廳收費及員工服務及態度嘅問題。員工的說話語氣態度先不細緻描寫。因為之前已經有好幾個食評反映了，在此不必多言。話說這裏是用QR code落單，當我們見到有甜品套餐和甜品散叫時，不期然覺得奇怪為何散叫仲貴過套餐？（套餐是有送飲品的。）所以我們決定叫一個窩夫套餐和一個散叫疏乎厘班戟，看看分別在哪（因為常理上就覺得套餐的份量應該比較少一點。）但是我們居然不小心叫了兩個都是疏乎厘班戟，沒辦法了。不過我們是比較想食窩夫的，所以便再叫多一個。但這次的大意反而我們發現一件事，就是不論是套餐或散叫份量都是一樣的。由於上文提到服務員的態度問題，我們都盡量避免和她接觸以免發生不愉快事件，但去到這個情況都不得不提問，結果果然係散叫和套餐份量一樣，而套餐除咗平少少之外還送飲品。 有套餐咁點解要整個散叫出來？就算係散叫多幾粒士多啤梨都好呀，起碼有個分別。之後窩夫來的時間都已經有啲飽，於是就食一半再打包一半。最後埋單的時候，我們和服務員提出既然食的東西都一樣，可否將

點咗熱辣辣麻薯窩夫配士多啤梨雪糕，超級正，冰火感覺，個窩夫脆卜卜裏面嘅麻薯有煙煙靭靭，配返冰凍嘅雪糕口感一流！咸食叫咗大阪燒同埋炸雞翼，全部即叫即做，雞翼好香脆又唔會太鹹，大阪燒雖然少少過熟但係煙肉煎得好香脆！飲品叫咗一杯果茶同埋芒果椰奶，香濃且清新！

今次嗌咗焦糖梳乎厘，芝士明太子小丸子，餃子，當飯後甜品😋😋😋，好好食，梳乎厘口感好夠；裝修完再嚟店內環境冇咁暗，啲職員態度好好，好nice，值得一試，亦值得一個好評！

本來去紅橋都唔係食呢間，點知想食的餐廳已經賣晒食材，唯有退而求其次，是但搵咗間有主食嘅餐廳。拎完飛好快有枱，店員行出無神無氣話有枱，仲講咗一堆野，剩係聽到要唔要等齊人先入，我話唔使，行緊嚟可以入，然後黑口黑面叫我入坐。坐椅坐得唔舒服，無椅背又係高身櫈，趕客櫈，唔想客人舒舒服服坐低享受？唔緊要，嗌咗個親子飯同炒麵：親子飯雞皮仲有粗粗嘅雞毛插係雞皮上，好懷疑店舖對食材嘅處理方法？！3個人食1個炒麵同1個飯，都好應該要用碗分享，店員無主動俾碗，問就俾得兩隻，話唔夠碗，咁大間鋪，又賣主食又賣甜品都唔夠碗用，係人手問題定資源問題？最後，發現所以職員都係無笑容嘅。。。。。。唔會有動機再幫襯，俾錢受氣！

【誠意滿滿！世一甜品鋪✨】💫身為屯門名物 相信唔少朋友對呢間甜品店並唔陌生🤩我食完之後真係記憶猶新 好鍾意呢啲用心又好味既鋪頭！🍮💫首先講左環境先！一入到去鋪面雖然唔大 但係見到有用心佈置 俾人一種身在日本的感覺😽又有歌舞伎町 又有心齋橋著名地標🏃整體黎講坐得幾舒服～💫再到食物質素💯【炙燒焦糖布甸麻薯窩夫🧇】食呢個既第一個反應係：好足料…食完飽到好似食左餐飯咁！窩夫面頭有一層燒過既焦糖 布甸做到流心 再配上雪糕同窩夫入面既啖啖麻薯…😍每一啖都好有層次感 每一啖都煙煙韌韌！仲要做到甜而不膩 大推！份量好多 兩個人share就啱晒啦٩(˃̶͈̀௰˂̶͈́)و【芒果北海道3.6牛乳奶凍🥭】鍾意食芒果既朋友真係唔好錯過！芒果好甜！一啲都唔酸 而且好新鮮❣️呢樣嘢我唸已經勝過坊間好多芒果甜品了！而且又有芒果雪糕 奶凍 白玉等配料加持 點會唔好味啊！😋💫Overall黎講呢間甜品鋪既甜品都好有誠意 絕對唔係求其交貨的！值得推薦✨另外如果大家覺得屯門太遠 我上網見到佢地開左新分店😽大家可以去將軍澳分店哦😽我已經迫不及待想再去食了(˶‾᷄ ⁻̫ ‾᷅˵)😋：9.5/10性價比：8.5/10回頭指數：9.5/10📍有料案內

幾個朋友一齊諗住試吓食呢間屯門「必食」嘅糖水舖啦！入到去就覺得個環境好焗好熱，同店員反映佢竟然話個冷氣已經最大風先唔理是否真話，離譜嘅事情喺後面。同朋友叫咗碗甜品食，一上枱碗野入面竟然有條彎曲嘅毛，就咁樣插着喺上面啊！見到嗰下真係好反胃！唔明白為何連基本嘅衛生都做唔好？同店員講完之後就咁一句「唔好意思」就拎返走解釋都冇句，之後更見到和聽到佢問企喺窗口位嘅藍色衫店員咩事？我哋都想知一間糖水舖係點樣做到咁差嘅衛生管理！真係唔會再幫襯，麻煩好好檢討下衛生情況！

今晚8點幾，剛食完飯，一家大細4人去食甜品。附近幾間甜品店都試過了，今次就試下哩間… 嘩！難食到一個點可能我哋唔係叫咩必食之選西瓜涼粉芝士奶蓋- 成碗糖水唯一甜的係西瓜，但得幾粒。然後涼粉好苦但冇糖水調味，加左啲好難食的芝士奶蓋，成碗野好似一堆嘔吐物，最後放棄了楊枝甘露- 大大碗上黎 但其實就係椰汁西米露加了一pat 芒果醬… 其實佢芒果醬又冇乜果肉同柚子，都仲叫楊枝甘露？不如細碗啲但真材實料好過最後仲有一個朱古力流心pancake , 味道各樣只可以話不過不失，但加一後100蚊，性價比唔高最後係店員態度真心差爸爸先入去坐低的，後來我哋去時坐低只知道有最低消費，叫左上邊3樣之後，就問清楚佢夠唔夠最低消費，要每人幾多錢。然後佢只黑面咁話每人要叫一樣，但我哋真係食飽食唔落一個，就諗住一陣叫外賣一杯就算啦，都冇特別出聲。點知過左10分鐘，嘢食都未上枱，那個店員就黎吹我哋落單，我答佢，我哋食唔落，會叫外賣。佢竟然話，可以落單叫後上，堂食只可以坐75分鐘，如果我哋遲叫 一陣只可以出門口等外賣？？！！咩料？我真心冇乜見過咁差態度的店員！落單叫後上，我又要叫一次；你哋要用apps 落單，我隨時幾時落