逸東軒

營業中

休息中

朋友生日飯揀了逸東軒，聞說是米芝蓮一星。有獨立門口及電梯出口，與其他酒店內食肆分開，顯得有貴格。長形大廳分開三行擺枱，枱同枱之間保留足夠空間，傾計唔驚隔離枱聽到。侍應服務態度良好，加茶水夠密。菜色方面，烤鴨就食得多，今次嚐鮮試了烤雞二吃，雞皮夠脆唔油膩。當日例牌老火湯係粉葛鯪魚赤小豆煲西施骨，湯足料夠味，湯料唔柴。另外又試左個薑蔥桶蠔煲，蠔夠大隻，但略嫌味道太淡唔夠惹味。總括而言，菜色、服務配得上價錢。